U Huyodo da Neşe d’Bethnahrin hadır taklitho dsimo b’Almanya, mahwelın i awyuthathe cama dıbhe da zalzalat dhawyın b’Turkiya u b’Suriya
Şutose frişe da neşe bi mdito d’Göppingen d’Almanya, mahwelın naqla hreto i awyuthathe cama dıbhe da zalzalat dhawyın b’Turkiya u b’Suriya. Bi taklithathe dsimo athmıl bu qentrun di mdito, i mşalonitho du Huyodo da Neşe d’Bethnahrin u fırco d’Urifi Tibelya Ahron’ste sımla mamlo u kalyo cali sniqutho dheş kito lu snodo da dıbhe.
GÖPPINGEN, Almanya — Athmıl yawme d’Tlotho, mıdlın a şutose frişe da neşe di mdito d’Göppingen d’Almanya inisyativ u mtayablın taklitho bi mdito, leşan dmahwın i awyuthathe la bnaynoşo dım’athri ma zalzalat dımhewolın Turkiya u Suriya 6 bu yarhano d’Şbot. Li hfituthathe m’tayıb tahrazto rwıhto mlitho mamle, zmoro u raqde la dıbhe.
Camgabe da mşale da şutose hrene da neşe, hadır’ste hadımyotho du Huyodo da Neşe d’Bethnahrin wi mşalonithayde d’Urifi Tibelya Ahron, sımla mamlo la hadire u mahkela cala fulhone dsımlın a şutose frişe du camaydan leşan u dmitalhıq mcadronutho lu camo b’Turkiya u b’Suriya.
Bu mamlayda Ahron, mawdacla’ste dhınne xıd HNB, kımnasın bkull darbo dımcadri ba fulhonani dla sniqoye ubu tarano, kımaşe u huyodo fulhone cama şutose hrene du camaydan leşan dmınqıl mcadronutho lu camo. Ahron m’akadla cali ulsoyutho dmidawmo i mcadronuthathe dlo fırşono d’renyo, cal du gunhano mhele i noşutho kula ulo belhude athro mbayno.
Bi taklithathe’ste sim qroyto lu camo Almanoyo dhowe sanodo la dıbhe kulle ubu huthomo, i mcadronutho kula dımalimo bi hfituthathe dsımlın a şutose da neşe u HNB b’Göppingen mşadro lu camo sniqoyo b’Turkiya u b’Suriya.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
