U Huyodo d’Urifi grışle u zuhoro cala hjome dkowe calu tboco froso

U Huyodo d’Urifi sımle qrayto d’zuhoro l’Turkiya u l’Azerbaycan dlıkmanıhti a qonune du tbocofroso hiro la haye.

 Stefan Schennach dkıtyo mşalo cala sebwotho du sutoro da gelyunore udu renyo hiro bu Huyodo d’Urifi mırle; U msoko da gelyunore b’Turkiya ubı Azerbaycan mati l’darğo mazicono.

 Bi mawdconutho dhule Stefan Schennach mırle; Lfuth u taşroro dımtayıb mu Mawtbo du Huyodo d’Urifi kımthabıt a şartat lo towe da gelyunore u dlıkmisım u sutoro da hayathe b’Turkiya ubı Azerbaycan. Bebzabno grışle u zuhoro dlayto hirutho du renyo b’Turkiya u mırle; Belhude b’Turkiya kito 95 gelyunore msike.

Stafan Schennach mırleste; A gelyunore kmımsoki dlo thome elo lfuth mehe da mşale. Naqlatste kıfayşi msikoye u lıkmiqadmi la bethdine ba yarhe u hatta ba eşne hın menaye. B’Turkiya, a gelyunore kmımsoki cal dıkfursi tebe dkıtne saqıbloye u sturye li şultonutho d’Ankara u hathe tworo da zedqe da gelyunore’yo bu athro.

U Huyoodo d’Urifi mzaharle calu qonuno du terfiyo da mşale da mafyat uda farsufe dıksaymi hawbe noşoye elo a folitiqore kmıtrın ba hbuşye. Schennach bu mamlo dsımle huwle mathle, aydarbo a gelyunore kmımsoki balhude cal dıkkuthwi tebe dkıtne hire, yaste dlatne bu xtuto du rişqutno Erdoğan.