U Huyodo Emwothoyo da Gelyunore mawdacle d’Turkiya u hbuşyo rabo da gelyunoreyo

Lfuth u taşroro dıfrısle u Huyodo Emwothoyo da Gelyunore, Turkiya u hbuşyo rabo da gelyunoreyo.

U taşrorono dıfrısle u huyodo komır; Bu noquso kito 67 gelyunore ba hbuşye d’Turkiya, lfuth u taşroro di şato da 2020.

 U Huyodo Emwothoyo da Gelyunore frısle u taşrorayde di şato u mawdacle a gelyunore bmın casqutho kfayti u mıqa menaye ba hbuşye‘ne u mıqa kmıqtıl bu zabno dıksaymi u fulhonathe dilonoyith ba gbine da qrobe.

Lfuth u taşrorano di şato da 2020, 65 gelyunore u falohe du tboco froso qtili bu zabno dkıtwın bi wolitho. 17 falohe qtili zıtır mi şato da 2019. Bu taşrorano u şatonoyo kmitahke bşıkıl rwiho cala msoke wa cnufye dkowın cala gelyunore u cala cawode du tboco froso dkıtne b’Turkiya.

U taşroro komır; Turkiya u hbuşyo rabo kulle‘yo bu msoko da gelyunore uda cawode du tbocofroso u kito bu noquso 67 gelyunore msike ba hbuşye. Bu taşrorano kmitahke calu msoko da gelyunore b’britho u lfuth u taşrorano, Turkiya kuthyo bi qamayto wu Sin bu darğo da 2.

Mawdıc bu athro d‘Turkiya uholu yarhano d’Odor msik 23 gelyunore ubu Sin msik 20 gelyunore. Lfuth u Huyodo da Gelyuore, b‘ğalabe athrawotho dbritho zayidi a msoke wu qatlo da gelyunore ba eşne haroyani.