Cito Ortodoksoyto Yawnoyto, Holob
07/02/2023

U Huyodo Suroyo d’Urifi-ESU ksoyım qrayto lu camo Suryoyo dhowe sanodo la noşe dım’athrı mi zalzale dhawyo b’Turkiya u b’Suriya

U Huyodo Suroyo d’Urifi-ESU, frısle buyono di awyutho camu camo dım’athır mi zalzale dhawyo b’Turkiya u b’Suriya. ESU bu buyonayde mahkele calu haşayde, cala bnaynoşo dhzelın husrono bi zalzalathe, u grışle’ste u zuhoro cala mdinotho du cameydan dhzelın husrone rabe.

07/02/2023

BRUKSEL – U buyono d’ESU kımşare ba melani. Ba şoce d’Safrayto hawi zalzale du hayleyda 7, 7 bi mdito d’Maraş bi qastra d’Pazarcık dımhela mdinotho sagiyotho b’Turkiya u b’Suriya, u shıfla bınyone ğalabe.

İ zalzalthe kmihşowo i zalzale rabtho du zabnano dımhela Turkiya u suriye u dheş a husrone noşoye u momunoye i rabthathe dı dlatyo idicto ktılbina husoyo lani dımfayaclın a hayathe, u la jrihoye hulmono tobo ktılbina, u hani dkıtne tahte da shifotho dmitaxsi bzabno karyo.

İ zalzalathe dhawyo ba yawmotahni du sathwo dhula husrone rabe maatharla cala mdinotho dıkhoye u camo Suryoyo xıd Adiyaman Malatya u b’Suriyaste a şuthawotho d’Holob, u hın ma citawotho du cameydan ste hzelın husrono.

ESU bu huthomo du buyoneyde ksoyım qrayto lu camo Suryoyo dhowe sanodo bhawxa gunho rabo dathi cali noşutho laşan dmisonid mcarhe.