U Huyodo Suroyo d’Urifi-ESU mathkarle i sohdutho du hawro Matay Rabo
U Huyodo Suroyo d’Urifi-ESU frısle egartho bi dafayde u mathkarle a 15 eşne du rişonayde u catiqo-Sohdo Matay Rabo İskandar Alptekin, bu yawmo şatonoyo di Sohduthayde. U Sohdo Matay Rabo, 18 bu yarho d’İyor da 2010 matiwo lu darğo di Sohdutho.
BRUKSEL— ‘Kımathkırina b’iqoro rabo, u mşatsono rişono du Huyodo Suroyo d’Urifi-ESU hawro İskender Alptekin-Matay rabo, dhawiwo bu siqumano meqım 15 eşne Sohdo. U ağono myaqro dhuwlox, kımdawım adyawma bcayni ruho ubı fusqono kamilo. Gıdmacişina i warathe dtrelox wu gıdmdawmina dımhalxina bu darbo du mrodaydox. Kıtulbina nyoho aminoyo’.
Hani a mele di egartho dfrısle ESU ba dafayde du nawlo’ne. İ egarthathe dıktucno i imda da tre mşale zawgoye Fehmi Vergili u Manuella Demir kımmi’ste; Kımathkrina u hawraydan Sohdo Matay Rabo, dınqılwo ma hayani 18 bu yarho d’İyor da 2010 mi celtho d’jalta du lebo bu athro d’Swisra.
U Sohdo hawro Matay Rabo, mu zabno di mşatsonutho d’ESU hulu yawmo haroyo, huwle tacbo rabo ba fulhone umthoye uba socurwotho dsımle l’athrawotho frişe bnişo dmıfrıs u ağuno di hirutho du cameydan wu leşan u tlobo da zedqe du cameydan’ste dlo kloyo flıhle u lo kali.
ESU mawdacle, camgabe di şaxsiye myaqarto u rhımto dkıtwole, sımwole u Sohdo fulhone rabe bi haqlo di musiqi udi mardutho du cameydan. Bu dumyano, kımamte ESU lbole du cameydan-u Sohdo Matay Rabo İskandar Alptekin dlo tce u lıkmıtce cal dhule a hayeyde leşan i hirutho du cameyde udu athrayde Bethnahrin.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
