U Huyodo Suroyo d’Urifi-ESU wu Huyodo da Neşe d’Bethnahrin-HNB hadiri b’tarte hfitwotho b’Almanya dsimi bi cohnutho du cedo du Newroz

BREMEN, Almanya – İ rişonitho zawgoyto du Huyodo Suroyo d’Urifi-ESU Manuela Demir wi mathlonitho du Huyodo da Neşe d’Bethnahrin-HNB Rafqa Gabriel maczımi xıd dayfe la hfitwotho dsimi ma şutose da Kurdoye d’Bremen d’Almanya leşan u cedo du Newroz.

Camgabe da mathlone d’ESU u HNB, dhadır’ste bi qamayto lu resepsyon dsim bu Mawtbo di karxutho d’Bremen, folitiqore u qoyume d’gabe frişe d’Almanya xıd CDU, a Yaroqe u FDP dımqadamlın mamle la hadire cali mıcne du yawmano. 

Bıthır’ste Demir u Gabriel, hadiri u hago dımtayıb lu Newroz bha ma salone rabe di mdito b’mıştawtıfonutho celoyto d’camo dlayım me dukotho frişe d’Almanya wu camo camhıdode, mcayadle adşato’ste u cedano bu zmoro uba raqde.