U Huyodo Suroyo d’Urifi zirle gabe, citotho u şutoşe bi Beth Nahrin

BETHNAHRIN — Ba taro da ytawyotho dhawila i rişonitho zawgoyto du Huyodo Suroyo d’Urifi Manuela Demir bu athro du Cıraq, sımla’ste socurutho lu hasyo di cito Suryoyto Qatholiqoyto Mor Beneditus Younan Hanno bi daşto d’Ninve. Bi socuruthathe’ste hadır mşale mu gabo du Huyodo d’Bethnahrin Athronoyo umi Mtakasto da Neşe d’Bethnahrin u drişo i sbutho di aykanoutho du cameydan bu athro ubi golutho wu qento dkito du cameydan dmaxle a dukothayde bu Cıraq.

Demir wu hasyo Mor Benediktus, kalın cali ulsoyutho  du teqbilo di hiyoyutho umthoyto du camaydan, bu athraydan Bethnahrin. Me gabo hreno Demir cama hadome u noqufe d’HBA udi Mtakasto da Neşe d’Bethnahrin, hadiri u zawho du cufoyo du mnohnafşo Mor Thabet Bolus Makko u hasyo d’Alqoş di cito Kaldoyto d’Mor Aday. U mnohnafşo mşanewole 18 bu yarho d’Hziron b’cımro d’49 eşne.

Camathe Manuela Demir, hadiro i hfitutho dsımle u gabo du Huyodo d’Bethnahrin Athroyo. Bu zawhano d’HBA sim la hadomayde ulu camaydan di mdito d’Bağdede bi daşto d’Ninve bi cohnutho du yubolo da 25 eşne du ağono dkobe u Mawtbo Umthoyo d’Bethnahrin’we. Lu zawhano, hadırle u Huyodo di Claymutho d’HBA, mşale du Mawtbo du Huyodo da Neşe d’Bethnahrin udi Mtakasto da Neşe d’Bethnahrin, hadome u noqufe d’MUB dkıtne bu athro.

Calathe i tahrazto du şahrano catırto’wa ba mamle, ba mimre ubu zmoro da hadire. Ba mamle dsimi kle cali ulsoyutho du iqoro da renye frişe dkito beyn du camo wa hzayothani dlıklozım dfulği u camo elo dhowın mabuco di catirutho udu şuşoto.

Kle’ste cala fulhone dıklozım dımdawmi beyn du camaydan leşan dmi’amni a zedayde wi mathlonuthayde bu athro u dmıkle qum di goluthayde. Camgabe da ytawyotho dcama gabe u şutose du camaydan, laqyo’ste Manuela Demir an abne u bnotho du cameydan di daşto wu hadiro u turgomo dhiw li claymutho bu makthbo d’HBA.