10/02/2021

U Koalisyon Emwothoyo cama hayle d’Qasad kımdawmi a cuqobathe cal Dacış

İ hamle da cuqobe dıksaymi a Haylawotho d’Suriya Demoqratoyto bu snodo da hayle du koalisyon Emwothoyo cala marhıbone d’Dacış kımdawmi bu garbyo ubu madınho d’Suriya.

 Elo a cuqobani, kımdawmi’ste cala marhıbone b’dukotho frişe du Cıraq u msik athmıl 24 marhıbone hrene b’Anbar u b’Fallujah.

Dafo Amerikoyto, frısla tebo calu mrodo da Haylawotho d’Suriya Demoqratoyto mqabıl da ğrobe marhıbone d’Dacış wi hamle hathto dmabdıyo mqabıl dıthe bu garbyo ubu madınho d’Suriya. Bu tebo m’akıd da hayle d’QASAD, hayle muttafik asasi d’Amerika udu koalisyon Emwothoyo’ne uba cuqobani, msıklın mınyono celoyo d’marhıbone bu madhıbro du qlimo d’Deyr Ezzor ucala thume du Cıraq.

U malolo du koalisyon Wayne Marotto m’akadle u snodathe la Mharbone u mawdacle da cuqobani d’QASAD mabdın, bıthır me Dacış naqla hreto mazıdwole a hçomayde wu Amerika lıkobo aftho, dmıhçım cala yuthronayda b’Suriya ubu Cıraq. Ba cuqobe haroye dsimi’ste, msik marhıbone dıknuqliwo krılyotho mcala thume lu Cıraq.

Cala gzomani da marhıbone, a hayle di mşaynutho uda istixbarat du Cıraq’ste sımlın athıml cuqobe u msıklın 24 marhıbone bi hiğmonutho d’Anbar u d’Fallujah. Yawme d’Huşabo u yawme d’Tre, msıkwolın a hayle Cıraqoye 28 marhıbone b’Ninve u b’Boğdod. B’Diyala’ste hçımlın a marhıbone cala hayle Cıraqoye, u qtil folho wa marhıbone mahzamlın mi duktho.

U hçomo marhıbono dımnase dsim b’Tuz Xurmatu, lo naçıh bıthır mıd msik u marhıbono bi radoytayde dkıtwa mlitho foqucotho. Bu qlimo d’Kerxeslox’ste mqafe tunnel dıktolanwo a marhıbone ruhaye ebe. Bi şabtho d’şafıcina, mqafe 6 hlile da marhıbone.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…