U Koalisyon Emwothoyo mdagele u tebo dnafıq bu ajans d’Sana

U koalisyon emwothoyo dkımrayşınole Amerika mqabıl du tukoso marıhbono dı Dacış, mdagele a’tebe dıfrisi bu ajans d’Sana, udımdacwolın dımjarıh mharbone mu koalisyon emwothoyo uma haylawotho d’Suriya demoqratoyto d’QASAD bı hjomo dsim aclaye bu garbay madınho d’Suriya.

 U malolo du koalisyon emwothoyo dkımrayşınole Amerika mqabıl Dacış Colonel Meylz Keyngs, bi maqırhonutho dhule adyawma lu tboco froso mdagele a’tebe dımdacewolın dımjarıh menyono ma folhe du koalisyon bha faho dımtayıb bu garbay madınho d’Suriya, u mırle “a’tebani saxtane latne şroro”.

U ajans da tebe d’Sana du rejim d’Suriya, athmıl ba tebe dıfrısle mawdacle dımçarıh tlotho folhoye Amerikoye u hamşo mharbone ma haylawotho d’Suriya demoqratoyto d’QASAD, bu hçomo dsımlın farsufe di hiyoyuthaththe dlatyo idıcto, cal konvoy mşawtfo ma mharbone du koalisyon ud’QASAD ba thume dkıtne bayn di mditho di Hasake wi fnitho dı Der Ezzor.