U malolo da hayle folhoye du camaydan-MFS Matay Hanna huwle maqırhonutho cala hawbe dıksaymi a hayle kaboşe d’Turkiya
Bi maqıblonutho dsimo camu malolo du Mawtbo Folhoyo Suryoyo Matay Hanna, mawdacle ba hçome dıksaymi a hayle kaboşe d’Turkiya bu garbay madınho d’Suriya, kıxulqi arcutho hathto li marhıbonutho.
Bu mamlano dsımle Hanna li dafo d’Hawar, bı qaşyutho krıhle a hçome wa hawbee dıksaymo Turkiya wa marhıbonayda b’Tel Temır u bğer dukotho du qlimo.
U malolo da hayle folhoye du camaydan-u Mawtbo Folhoyo Suryoyo-MFS ağunisto Matay Hanna, huwle maqırhonutho l’Hawar cala hawbe dıksaymi a hayle kaboşe d’Turkiya wa marhıbonathe cal dukotho frişe di Mdabronutho yothoyto du garbyo udu madınho d’Suriya u m’akadle, d’Turkiya kımnasyo d’jubro u camo li golutho u dımhathıtho u haylo da tukose marhıbone.
Lfuth Hanna, a hawbani da hayle kaboşe d’Turkiya, maqşın cali fnitho d’Tel Temır ucal ğer dukotho du garbyo udu madınho d’Suriya bnişo dmadcıfi u haylo d’MFS udu Mawtbo Folhoyo d’Tel Temır, dkıtte dawro ulsoyo bu duyoqo di mşaynutho du qlimo. Hanna mırle; Turkiya mu yawmo qamoyo kımdawmo d’dayşo a qonune Emwothoye kulle dmahti, dışla i şalyuthzayno u kbışla dukotho frişe du qlimo.
U malolo d’MFS mırle; Bu qrobo haroyo dhawi, sımlın a hayle kaboşe propağanda du qrobo mqabıl da came du garbyo udu madınho d’Suriya bnişo dmawfıqile madukothayde u dsaymi şuhlofo demoğrafoyo u hathe ftıhla darbo lu hethotho du haylo da ğrobe marhıbone d’Dacış udğer hayle tuhmonoye. U nişo rişoyo d’Turkiya, dmıhyo a dukotho di Mdabronutho yothoyto udu madınho d’Suriya u dhuwyo model lu dactith d’Suriya u dmaklıyo u ağono d’QASAD mqabıl d’Dacış.
Bu huthomo Mharbono Matay Hanna mawdacle, da dukotho du kenşo kulle wa bınyonathe-xıda madraşyotho, a nuqazyotho du kahrobo uğer kmimodi nişo la hçomani da hayle kaboşe d’Turkiya u kıqutci a maye cal milyon dıbnaynoşo. MFS wu Mawtbo Folhoyo d’Tel Temır kull naqla kıfayşi ba xtute qamoye du gbino leşan dmaklın a hçomani u dım’amni a haye da bnaymothoye du qlimo. A haylani fıdelın a hayathe leşan dım’athli a came u dobın hatta a haye qurbono qum du camo udu athrathe.