U mamlo d’Bahçeli mabdele dıroşo hatho b’Turkiya

U mamlo du rişono du gabo di MHP  Devlet Bahçeli dıfris bu tboco froso mu taraf du mcadroneyde mabdele droşo i mwatyutho bayn lu gabano u lu gabo d’Erdoğan MHP kızaydo.

Bahçeli bu mamleyde dkibe dhowe qetro rabo bayn datre gabe dkıtne bi şıltonutho mırle. Sniquthoyo du gabo di MHP dhowe brişe druhe şıltonutho d’Turkiya.

I awyuthotho dkito bayn lu gabo d’Erdoğan AKP wu gabo d’Bahçeli MHP, awyutho di majburiyeyo laşan Erdoğan foyış bu rişoyo.

U tboco froso d’Turkiya me zabno lı zabno kforıs a mamle qaşye hata dmatın l’darğo d’haqarat u sucre bayn latre rişonani da gabe, elo bi harayto sımlın şıltonutho cam hdode.

Hıdo ma nuqtotho dımasırlın bıhdodeste u gabo di AKP kıtle zıhniye di maşılmonutho tuxmonoyto wu gabo di MHP’ste idicoyo bi tuxmonoyutho di hiyoyutho turkoyto.

Elo bu mamlo dıfris mu tahlufo d’Bahçeli bu tboco froso knuşyoyo mabdele u droşo di mwatyutho bayn latre gabani.

U mamlo dıfris latyo idico elo qay ucdo kmıfrıs u mın zuhoro kobe l’Erdoğan u lu gabeyde.

Bu mamleyde Bahçeli komır, ucdo ulsoyutho rabthoyo du gabo di MHP lıruhe dhowe şıltonutho u dımdabır Turkiya, awkith Erdoğan lıklozım foyış rişqutno elo klozım Bahçeli howe.

U mamlano mabdele droşe bayn latre gabani dkıtne bi şıltonutho du athro.