U mawtbo da sinatore du qlimo d’Arizona maqbele irmoyto dıkmitıctarıf bu qtolcamo d’Simele

U mawtbo da sinatore du qlimo d’Arizona d’Amerika, b’femo ha maqbele i rmoyto dıktılbo dmitıctarıf bu qtolcamo d’Simele da na’1933, udmitathkıri a’sohde du camaydan dıqtiliwo b’şıkıl barbroyo bi qrithathe dıknıflo bu garbiyo du Iraq.

 Bu qtolcamo d’Simele, zıd m’3 alfo farsufe mdinoye mu camaydan qtiliwo b’şıkıl barbroyo ma hayalwotho du gayso Iraqoyo.

 Bi netiçe da fulhone mşawtfe dsimi ma şutose Othuroye du camaydan d’Amerika, u mawtbo da sinatore b’femo ha mayadle i rmoyto dkımtalbo dmitıctarıf bu qtolcamo di qritho d’Simele du camaydan du Iraq, udmitathkıri ruşmoyith a’sohde du camaydan dıqtiliwo b’şıkıl barbroyo b’Simele i şato da na’1933.

Bi rmoyto dımqadmo 16 bu yarhano, kmıtlıb ste dmiqadım lu qtolcamo d’Simele xıd gunho mbayn da gunhe dsimi mqabıl di noşutho bu doro hatho dıbritho.

İrmoytathe mqadmo ma tre rişone di sagiyutho udi qalilutho du senato d’Arizona, senator Rick Grey, Sinatora Rebicka Riyos ubi mıştawtfonutho di sinatora Nancy Barto.

Meqım mathe, i rmoyto b’femo ha maqıblowa ste mu mawtbo tahtoyo du qlimo d’Arizona d’Amerika. İ rmoytathe dmafitowa mu mawtbo tahtoyo arbıco bu yarhano, mqadmowa ma tlotho qoyume Walter Blakman, Shona Bolik u Frank Carol.

U gayso du Iraq bu hçomo dsımwole i şato da na’1933 cali qritho Othuroyto d’Simele, qtiwole b’şıkıl barbroyo zıd m’3 alfo farsufe mdinoye mu camaydan, u shıfwole ste hedor d’62 qıryawotho mdu camaydan bu garbiyo du Iraq, bnişo dmitaxle u athro da n’abohotho ma Mşihoyayde.