U Mawtbo di karxutho d’Parramatta d’Australia, maqbele i rmoyto dımqadmo u mawdele ruşmoyith bu qtolğenso dsımla i mamlaxtho da Cuthmanoye calu camaydan, calan Armınoye u Yawnoye bi şato dan 1915

PARRAMATTA, Australia – Bu quwolo dsim bu Mawtbo di karxutho d’Parramatta b’Sidney d’Australia yawme d’Tre dşafıcina, mawdelın a hadome kulle bha qolo bu qtolğenso mayiro dsımwo calan Armınoye, Othuroye u Yawnoye bu zabno du qrobo qamoyo dbritho. İ rmoytathe mqadmowa mi hadımto du Mawtbo mu gabo da Liberaloye-Tanya Raffoul dkıtyo mu şerşo Armınoyto.

İ rmoyto d’Raffoul, snidowa’ste me Anthony Ellard dkıtyo hadomo hreno du Mawtbo. Cali mawdyonuthathe dhawyo ba qtolğense da 3 camani bi şato dan 1915, u federasyon da Pontusoye b’Australia mqadamle a tahınyothathe lu Mawtbo di karxutho bu fusqonano dmıdle u dımthabatle i şrorutho du makthabzabnano.

Hadomo mu federasyon mırle; İ rmoytathe kımadilo, cali calaqa dıkmitahwe b’Australia kula leşan i mawdyonutho bi lo kinutho makthabzabnoyto dsimo cala 3 camani ubebzabno i rmoyto, tethkar u iqoro’yo lu cuhdono da bnaynoşo dcayşi u haşano. U fusqonano, camlo qawyo du moralyo, di rişonutho udı awyutho’yo ubu snodo di karxutho, kmınfıq moro li yortutho du camo Armınoyo, Othuroyo u Yawonoyo’yo.

Camathe mawdıc’ste, bu taro di mawdyonutho bi rmoytathe u Mawtbo di karxutho gıdmbayın qoyumtho d’gantho dilonoyto xıd iqoro u tethkar da Sohde da 3 camani dmafitiwo bha ma qtolğense qamoye du doro da 20.