U Mawtbo di karxutho d’Ryde b’Sydney, mawdele bu qtolğenso dsımwola i mamlaxtho da Cuthmanoye u casiryotho Kurdoye cala Suryoye, Armınoye u Yawnoye

RYDE, SYDNEY, Awstraliya – İ karxutho d’Ryade bi mdito d’Sydney d’Australia, mhalaqla dawse dkıtyo ulsoyto lu camaydan, lan Armınoye u Yawnoye-u gawonoyith li kinutho ulu nfoqo du moro la dıbhe da qtolğense dhawın bu makthabzabno-u dilonoyith’ste la Sohde da 3 came Mşihoye dıkhoyın adyawma b’Australia.

U Mawtbo di karxutho d’Ryde b’Sydney bu quwolo dsımwole 30 bu yarho d’Nison cal rmoyto dımqadmo’wa calu qtolğenso dan 1915, bha qolo maqbewolın i rmoyto u mawdewolın bu gunhano dsımwola i mamlaxtho da Cuthmanoye cam caşıryotho Kurdoye şorıke. U fusqono di mawdyonutho bu qtolğenso mawdıc’ste ruşmoyith, yawmo meqım mu zawho dgımisım bi gantho ruşmoyto di karxutho.

Ramhıl 10 bu yarhano bıthır me falge d’yawmo, gıdmitayıb u zawhano leşan dmitagle cali qoyumtho dmahto bu parkano d’Meadowbank Park, leşan a Sohde da 3 came dmafitiwo bu qtolğensano dsımwo aclaye bu zabno du qrobo qamoyo dbritho. U rişono du Mawtbo di karxutho d’Ryde Trenton Brown sımle’ste qroyto li şultonutho ruşmoyith dmawdıyo bu qtolğensano beyn dan 1915 u 1923.

A mşale da şutose dan Armınoye uda Yawnoye b’Australia’ste mqadamlın a tahınyothathe lu Mawtbo di karxutho calu snodano dmahwele la dıbhe du qtolğenso u tlıbbe, dğer karxwotho u mdinotho d’Australia dımhalxi bu darbano du Mawtbo di karxutho d’Ryde.