U Mawtbo du camo Suryoyo bu yawmo şatonoyo du Sayfo sımle hfitutho li mawdiyonutho du Sayfo

U Mawtbo du camo Suryoyo, bu yawmo şatonoyo du Sayfo dhawi cala Mşihoye bi şato dan 1915, huwlın maqırhonutho bu qentrun di mdito d’Ausburg d’Almanya.

 Bi maqırhonuthathe dsimo me ha ma hadomayde mırle; Turkiya klozım mawdiyo bu Sayfano dsımla cala Mşihoye.

 U mawtbo du camo Suryoyo leşan dmathkır a sohde du Sayfo dhawi calu cameydan bi şato dan 1915 frısle buyono lu ray gawonoyo dıbritho dıkkorıh a qatole du cameydan u kobıc mawdyonutho bu Sayfo.

U buyonano du Mawtbo frıslın bıha knuşyo gelyunoroyo dsımlın bu qentrun di mditho d’Ausburg d’Almanya qrelın u buyono dıkthuwlın bi sbutho du Sayfo.

Bu buyono dıkmitahke cali barbroyutho dsımla i mamlaxto cuthmanoyto mqabıl du camo Suryoyo u mqabıl dan Armınoye u Pontusoye, krıhle u qtolğensano dsim.

U Mawtbo du camo Suryoyo bu buyoneyde, ktolıb d’Turkiya mawdiyo bu qtolğensano dhawi cala came Mşihoye u dmakılyo i tumonoyutho dkıtla mqabıl da came, u bebzabno ksaymi qrayto l’Almanya dmaklıyo u hjomeyda cala hadome du Mawtbo du camo Suryoyo.