U Mawtbo du Camo Suryoyo mıştawtafle lu yawmo da falohe dı britho Ha İyor

U Mawtbo du Camo Suryoyo mıştawtafle lu yawmo da falohe dı britho Ha İyor  cama gabe semoloye hrene dımcayadlın yawmano.

Bu yawmano u Mawtbo mamtele lu bolo a zedqe da falohe wi dişurtho dıkmdawmo calu ğenzo da neşe.

 Adşato b’ğalabe athrawotho, a falohe lo qadiri dımcaydi u yawmo tibeloye da falohe dkıtyo Ha b’İyor xıdu mede dıklozım, ma tadbire di Corona u bhın athrawotho’ste xıd Turkiya, a şultonwotho lo huwlın darbo da falohe dmaşımci u qolathe.

Bu yawmano u Mawtbo du Camo Suryoyo’ste mıştawtafle la tagılyotho dsimowo bi mdito d’Ausburg d’Almanya cama slogane u luhe da kthawyotho dıkthuwlın a talabe aclaye.

Duktho hreto du Mawtbo du Camo Suryoyo dmıştawtafle la tagılyotho d’Ha İyor i arışkoyto d’Austurya Viyana’wa harke’ste a hadome du Mawtbo tcınwolın a remze du cameydan u Suryoyo Othuroyo u bebzabno grışlın u zuhoro cala zedqe du cameydan.

U Mawtbo du Camo Suryoyo bi mıştawtfonutheyde la hfitwothani kmaşmıc u qolo du cameydan u sımle awyutho leşan a zedqe da falohe dbritho du yawmano dkıtyo yawmo du tacbo dhulın a falohe leşan dhowe yawmo tibeloyo.