12/06/2021

U Mawtbo Gawonoyo d’Emwotho Mhaydotho mnaqele hamşo athrawotho hrene lu Mawtbo di Mşaynutho

U Mawtbo Gawonoyo d’Emwotho Mhaydotho, mnaqele hamşo athrawotho hrene lu Mawtbo di Mşaynutho d’Emwotho Mhaydotho dıkmişakıl me 15 athrawotho hadome.

An athrawotho d’Albania, Brazil, Gabon, Ghana wa İmarat Caraboye gıdmşarın ha bu yarho d’Konun u haroyo da 2022 bi hadomuthathe lu Mawtbo di Mşaynutho.

Bu quwolo dsim athmıl bu Mawtbo Gawonoyo d’Emwotho Mhaydotho, mnaqe 5 athrawotho hathe, bu Mawtbo di Mşaynutho d’Emwotho Mhaydotho. An athrawotho d’Albania, Brazil, Gabon, Ghana wa İmarat Caraboye gıdmşarın 1 bu yarho d’Konun u haroyo da 2022 bi hadomuthathe bu Mawtbo di Mşaynutho d’Emwotho Mhaydotho.

U Mawtbano kıfolıh cala sebwotho du şlomo udi mşaynutho u kıtle salahiye, dımşadır hayle l’athro dkıtyo b’kriz leşan dsaymi u duyoqo di mşaynutho u dmahıt tedbire calan athrawotho dıkdayşi a kritere Emwothoye. A 5 athrawotho hathe’ste, gıdmamtın cam ruhaye nesyune u hzayotho hathe leşan dmitaqwın a dynamike du Mawtbo.

Richard Gowan dkıtyo u mşalo du Grob da Krize b’Emwotho Mhaydotho mawdacle dkıtte sabro da 5 athrawothani dmıştacın dawro ulsoyo bu şroyo da krize. A 5 athrawotho amine du Mawtbo di Mşaynutho dkıtte zedqo du Veto-Britania, Sin, Rusya, Fransa u Amerika’ne wa 5 hathe dımnaqın l’zabno d’2 eşne, gıdmaydi dukthe d’Estonia, Niger, Saint Vincent, Grenada, Tunıs u Vietnam. U Hınd, Kenya İrlanda, Mexico u Norweç’ste belhude zabnoye’ne.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…