U Papa mbayanle athto qamayto dhuwyo mcadronitho du notarozo gawonoyo di Sunadus

U Papa du Vatikan Mor Fransis Qadmoyo, mbayanle i athto qamayto dhuwyo mcadronitho du notarozo gawonoyo di Sunadus.

Natali Bekağ dkıtyo Franşoyto, kıtla’ste zedqo dobo u qolayda ba knuşyani da hsayo. İ dawsathe’ste kırumzo, calu mabco dkıtle u Papa dobe athto zıttır li mıştawtıfonutho bu myodo da fusqone bıgawe di cito.

U notarozo gawonoyo di Sunados di cito Qatholiqoyto Kardinal Mario Grech mawdacle du Papa du Vatikan, mbayanle i athto qamayto dgımaydo duktho xıd mcadronitho du notarozo gawonoyo di Sunadus. Natali Bekağ (Nathalie Becquart) dkıtyo Franşoyto cımra 52 eşne, mnaqyo mu Papa xıd mcadronitho du notarozo gawonoyo di Sunadus ubu şıkılano, kıtla hiyaste zedqo dobo u qolayda ba knuşyani da hsayo.

Becquart ma 2019 kıtwola wolitho di mşawroitho bu Sunadus da hsayo-dıkdorşi a şwole du yulfono tawdithoyo. Kardinal Grech mırle; U neqoyo d’ Becquart li wolithathe, kıromız u calu mabco dkıtle u Papa dobe athto zıttır li mıştawtıfonutho bu myodo da fusqone bıgawe di cito.

Kardinal Mario Grech mırle’ste; Ba sunadus haroye dsimi, u mınyono da neşe dıkmaydi duktho xıd yadıcthone u şamoce, zayıd ubi wolithathe dqayıthla Becquart, kmıftıh u tarco zıttır la neşe bıgawe di cito Qatholiqoyto.

U Papa Mor Fransis Qadmoyo dmawlıd b’Arjantin, ğalabe naqlat mawdacle u mbaco dsoyım reform bi Sunadus u dmitacbır neşe u dhowelın dawro rabtır bi cito.