U parlamento du Iraq mşatasle sictho dilonoyto leşan dhayro cala şkuwat dkıtle u camaydan bi sbutho da mulkonayde

U parlamento du Iraq mşatasle sictho dilonoyto leşan dhayro cala şkuwat dkıtle u camaydan bi sbutho da mulkonayde dkıtne kbişe.

 Bebzabno, u parlamento d’Boğdod tlıble ma tarte wazirwotho di baroyutho u di kinutho dhowın mcadrone bi sbutho du tedciro da mulkone kbişe du camaydan la morathe.

 U tahlufo qadmoyo du rişono du parlamento du Iraq Hasan Alkacbi, bi maqırhonutho dhule lu tboco froso, mawdacle du parlamento mşatasle sictho dilonoyto dıkhayro ba şkuwat du camaydan bi sbutho da mulkonathe dkıtne kbişe.

Alkacbi bi maqırhonuthayde mırle; Gıdfulhina cama hadome di sicthathe, u gıdmaydina li ido a şkuwat dkıtlın a Mşihoye lawğıl du Iraq u larwal du athro. U bebzabno, gıdhowelan sdirutho cama gabe du bethdino udi şultonutho, bnişo dmaydina hşowo me kull farsufo dıkmithabıt dıdışle aw dıkbışle a mulkone da Mşihoye dkıtne a şorike du athro.

Alkacbi makadle ste dıklozım dhowe methcadronutho mi xasra di wazirutho di baroyutho bu darbo da rişızgadwotho dkıtne larwal, bnişo dmıski a şkuwat da Mşihoye dıkhoyın ban athrawotho mşahılfe dı britho, u dımqadmi tahwiyotho dkımthabti u kboşo da mulkone da Mşihoye, u hathe’ste leşan dmisarhıb u tedciro da mulkonani la morathe bu darbo du qonuno udu bethdino.

Camgabıdathe, Alkacbi tlıble mi wazirutho di kinutho du Iraq uma şutosayda dhowın mcadrone bi sbuthathe, u sımle ste qroyto lu camaydan dıkhoye lawğıl du Iraq ularwal du athro, leşan dhowe esore cami sictho dilonoyto dımşatsole u parlamento udımqadmila a’tahwiyotho kulle dkımthabti dkıtne morıd da mulkone.

Leşan esore cami sicthathe, u camaydan bu Iraq u dıkhoye bi golutho kibe dsoyım telefon li nummarathe 07807709783.