U platform da hfitwotho mşawtıfe da tukose da neşe d’Suriya, baynothayye HNB, maglele cali tahrazto da hfitwothayde dgımitaybi bi cohnutho du yawmo tibeloyo da neşe

GOZARTO, Suriya – U platform da hfitwotho mşawtfe da zawce u tukose da neşe du garbiyo udu madınho d’Suriya, bu buyono dfrısle maglele cali tahrazto da hfitwothayde dgıdmitaybi bi cohnutho du yawmo tibeloyo da neşe, u dgımdawmi hulu siqumo d’8 bu yarho d’Odor dıbqamuthayna. A hfitwotho dgıdmitaybi hanine: gıdmixamli a mdinotho u gıdmitayıb knuşye camoye calu yawmo tibeloyo da neşe ba mdinotho u qastrat u qıryawotho du qlimo, gıdmitayıb şişalyotho d’work shop b’gawe dkul kanton calu dawro dkıtla i athto bu maşıqlano, gıdmitayıb muroye di esfireğlo di athto claymtho, ugıdmitayıb’ste turgome u dialoge bu darbo du nawlo cama tukose da neşe dkıtne b’gawe d’Suriya u larwal du athro.

Camgabıdathe, u platform da hfitwotho mşawtıfe gıdmtayıb glohe da surotho da Sohde leşan dmitawdıc u ağuno dhulın, gıdmifarıq broşurat bu garbiyo u madınho d’Suriya leşan dmitanhır u kenşo bu yawmano, gıdmitayıb halxe camoye bu garbiyo u madınho d’Suriya, b’Holob, b’Darımsuq, bu qlimo d’Kurdistan du Ciraq, b’Lebnon ubı Urifi. 

A hfitwothani gıdmıhthomi bi socurutho dgısaymo taşdarto da neşe lu masxoro d’Teşrin, bnişo dmitahwe snodo lu mrodo da hayle di YPJ ud’QASAD dkıtne tamo. 

Bıthır mıd qre u buyono du plattform, i rişonitho zawgoyto du Mawtbo Mşablono du kanton di Gozarto Vivian Bahhe Use, bi maqırhonutho dhula lu ajans dithan mırla; Şroroyo u ha dmırle bıthır dkull gabro mramrımo kito athto. I athto emoyo, hothoyo u barthzawgoyo”. Use mawdacla du yawmo d’8 Odor latyo yawmo kyonoyo, elo yawmo tibeloyo da neşe’yo dhulın ağuno u dbıhlın nafşaye leşan dmotın la zedqathe.