U polis d’Almanya ksoyım hboso calu Mawtbo Camoyo Suryoyo

U Mawtbo Camoyo Suryoyo bi maqırhonutho dıfrısle, mahkele calu hboso dıkmisim aclaye mu polis d’Almanya.

 U mathlo haroyo hawi b’Düseldorf cıl mıd i otho Othuroyto du cameydan dlatyo mnıcto, u polis mnicole ulo trele da clayme dfıthila bu zabno di hitutho dsımwolın.

Bu zabno di claymutho qawmoyto du Mawtbo dkıtwola hfitutho 24 bu yarhano d’Şbot bi mdito d’Düsseldorf laşan a hbişoye folitiqoye da Othuroye Suryoye, u polis d’Almanya manhatle i otho Othuroyto dkıtwo ftıhto.

Cıl mıd layto fusqono du mnoco da othwotho du camo Suryoyo Othuroyo, u polis d’Düsseldorf manhatle i otho u mnıcle u ftoheyda bi hfituthathe ubi harayto’ste mahıtle ido acla. Bi maqırhonutho dhule u Mawtbo Camoyo Suryoyo mırle; Lo belhude i sbuthathe, elo kito bhın mdinotho hrene’ste dıkmisım hboso cala hadome du Mawtbo ma mşale d’Almanya.

Be bzabno kito bethdine fithe bhaq da hfite da Suryoye qawmoye dsımlın hfitwotho mşahılfotho xıd ha İyor-u yawmo da Falohe dbritho u ğer. Beyn da bethdinani dkito u bethdino bhaq d’Sami Griğo dkıtyo bi cito Suryoyto Orthoduksoyto, elo bcayni zabno kıtle hzayto semoloyto, gelyunoro u kothubo dkobe ağuno leşan a zedqe du camo Suryoyo Othuroyo b’Turkiya.

Gawonoyo bi maqırhonutho kmıgrış u zuhoro calu hboso dıkmisım cali claymutho dkıtyo mqabıl du rejim diktatör d’Turkiya dkıtyo bi rişonutho du rişqutno Recep Tayyıb Erdoğan.