U Polis d’Isroyel cabir lu masiğdo d’Alaqsa b’Urişlem
U polis İsarloyo, hçımle u cabır li duktho du masığdo d’Alaqsa b’Urışlem, bıthır mıd i claymutho da Fleştoye mhewola kefe ebeye. Lfuth u Sahro semoqo da Fleştoye, bu cnufyano dhawi adyawma mçarıh 31 farsufe u 14 menaye nqili la bethkrihe.
U masığdo d’Alqasa dkıtyo ulsoyo hem la Fleştoye u hemste la Yudoye, hawi adyawma’ste wahdo da taxtuşe beyn du polis İsarloyo uda Fleştoye. Bu zabno da taxtuşani’ste u tukoso du Sahro Semoqo da Fleştoye mawdacle, dımçarıh 31 farsufe beynothaye 14 dımçarhi yaquro nqili baroyo la bethkrihe.
Athto polise İsarloyto’ste mçarho yaquro mi kefo daxila b’rişa. Mawdıc bıthır mıd a Fleştoye bıdelın dımhalqi kefe bu polis dkıtwe hedor u masığdano, huwe’ste mfanele bu mhoyo da buğre du plastik ubı foqucotho du qolo. İ socurutho da Yudoye lu masığdo kmitaklıyo yawme d’Cruto ba yawme du Ramadan.
Bıthır mıd kalın ışmo a taxtuşe, azzın a Maşılmone lu masığdo leşan dmandıfile li sluthathe d’casriye. U cedo da Yudoye’ste sadıf adşato camu Ramadan da Maşılmone udu cedo di qyamto da Mşihoye ubi netiçe, zayıd u mınyono da socure lan arcotho Mqadşe.
U cnufyano dhawi adşato’ste kıxolıq zuctho, dhowe bu dumyo da taxtuşe d’eşqad dımdawamwolın 11 yawme beyn Hamas u İsroyel. Ba yawmotho haroyani’ste, mafır soruhe ba dukotho d’İsroyel wa hayle folhoye İsroyel mfanelın b’cuqobe oyaroye cala dukotho d’Hamas b’Dıffa i Macırboyto ubu Xtuto d’Ğazza.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
