U qaymaqam di qastra d’Bağdede Cisam Behnam Matte mıstaqbele u rişono du gabo Athroyo di Hexemtho Camar Elhakim

U qaymaqam di qastra Suryoyto d’Bağdede bi daşto d’Ninwe- Cisam Behnam Matte mıstaqbele u rişono du gabo Athroyo di Hexemtho Camar Elhakim wi taşdarto dkıtwa acme.

Bi lqoytathe a tre gabe drışlın i aykanoyutho da şuşote dkito bu athro u kalın cala esore basime beyn da bnaymothoye.

Bu şuroyo di lqoyatathe dhawyo bu qentrun du Qaymaqam d’Bağdede u Cisam Behnam Matte mqadamle meltho calu mathyo du rişono Cammar Elhakim u bıthır mahkele cali aykanoyutho di daşto d’Ninwe u cala fulhone wu casqotho dıkloqın bu qlimo.

Bıthır mu mamlo du qaymaqam, u rişono du gabo Athroyo di Hexemtho Camar Elhakim sımle mamlo u mwasafle a fulhone dsımle u qaymaqam li qastra d’Bağdede u mahkele cali ulsoyutho da Mşihoye-dkıtne u camo şerşoyo du athro u dlatne bu sedro da 2.

Elhakim bu mamleyde mırle; Kull u athro dıkxosır ha Mşihoyo aw Ezidoye xısara rabtho’yo elayna, metul da tre camani-a came şerşoye du athrano’ne. Al Hakim mahkele’ste cali ulsoyutho da guboye gawonoye du athro dgımisomi adşato. Bi harayto a tre rişone mqadamle tahınyotho u mqadım myaqronwotho l’hdode.