13/08/2020

U qonuno dcala mulkone dmofaqwo ocdo makle hol zabno

İmdabronutho yothoyto du garbyo u du madınho d’Suriya, bu buyono dıfrısla athmıl mawdacla du qonuno dmıdwo bhaq da mulkone da morathe dlatne bu athro, makle ucdo hol zabno.

 U qonunano dıkmoyıd a mulkone da noşe dılatne bu athro lu garanti  i mdabronutho kıbco dı durşole me qariwo bıthır mıd athiwo hfuxye mqabıl dide.

 U qonunano dmıdwola i mdabronutho Yothoyto du garbyo u du madınho d’Suriya mbayanwo aydarbo gıdmimodi a mulkone da came kule lu duyoqo laşan dlımitahıt ido cala mulkone da bnaynoşo dılatne ucdo hadire bu athro cal rişe da mulkonathe.

Xıd kıtyo idico a farsufe dımgalwelın mu athro hın mane maslamlın a mulkonathe la noşe dkudci laşan dsaymilın u dhowın moro cal dhıne latne tamo bu athro, bi sbuthathe hın ma yaqrotho du cameydan maslamlın a mulkonathe lhın yaqrotho maşılmone laşan dhowıne moro.

Bıthır mu qrobo gawoyo dhawi latyo idico mın gıdhowe ma arcotho da bnaynoşo dımgalwelın mawxa i mdabronuıtho yothoyto  mbayanwola du camo Othuroyo-Suryoyo, Armnoyo gıdhowele sicto dıgduyo hiya dobo u fusqono haroyo cala mulkone da camo Suryoyo u da Armnoye. Be bzabno mawfaqwo fusqono da mşihoye lıkowe dımzabni a mulkonathe la maşılmone elo belhude la mşihoye.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…