U qoyumo Arminoyo Garo Paylan mqadamle renyo lu parlamento d’Turkiya bi sbutho du qtolğenso dan 1915

ANKARA/OMID – U qoyumo di HDP Garo Paylan mqadamle renyo lu parlamento d’Turkiya leşan dmisım qonuno bnişo dmi’amno i barmothoyutho di qutnutho d’Turkiya. Paylan mahkele cala gunhe dsimiwo ba 1915 dıkmidoci b’ışmone frişe-mathlo an Armınoye kımmilın-Medz Yegern awkith a gunhe rabe, wa Suryoye Kaldoye Othuroye Oromoye kudcilın bu ışmo du Sayfo u hani 107 eşne kıtulbi a Sohude kinutho mqabıl da gunhani. Ğalabe athrawotho, mdinotho u parlamentowiye b’britho mawdelın bu qtolğensano dsımwo cal milyone dıbnaynoşo.

Paylan mawdacle, bu duxronano du qtolğenso dan Armınoye, klozım dhowe mawdyonutho ebe, dmi’akdo i hiyoyutho da farsufe dıktucni i mşaluthayde, u teqimo da eşmone da farsufe dıktucni i mşalutho du qtolğenso ma dukotho ruşmoye wu dmitahıt ışmone da dukotho ruşmoye b’ışme da farsufe dkalın qum du qtolğensano dsim ban arcotho d’Turkiya u belhude bu athrano, kibe dmitahwe kinutho kamılto la nubğe da Sohude.

HDP milletvekili Garo Paylan, Ermeni Soykırımı'nın tanınması, sorumluluğu bulunan kişilerin isimlerinin kamusal alanlardan kaldırılıp yerine Soykırım'a karşı duranların isimlerinin verilmesi amacıyla TBMM'ye kanun teklifi verdi.https://t.co/MNjF6P9uOg

— AGOS / ԱԿՕՍ (@AGOSgazetesi) April 22, 2022

Bebzabno u duxrono şatonoyo da 107 du qtolğenso dan Armınoye, mbayın xıd yawmo du tethkar b’Kalifornia d’Amerika. U rişono Gavin Newsom athmıl mbayanle 24 Nison-yawmo ruşmoyo du tethkar du qtolğenso dan Armınoye bıgawe di marcitho. Bu mamlayde Newsom mırle; 24 bu yarho d’Nison dan 1915, i mamlaxtho Cuthmanoyto mşarewola b’qtolğenso sistematik calu camo Armınoyo.

U rişono di marcitho mırle; Bu qtolğensano, jbir u camano l’mafqono uba mowat d’nahire qtiliwo. A dıbhe wa nubğe dmaxlaslın, jbiri’ste dbonın haye hathe bğer athrawotho frişe dbritho u hın menaye, rakiwiwo harke bi Kalifornia u ahna fsihoyena, lu tacbo rabo dkobın lu şuşoto di marcithaydan. Calathe lıklozım d’tocina u qtolğensano u d’rufdina kull ruğzo, hawbo u gunho-hayko dhowe.