U qoyumo Suryoyo bu parlamento du Swed Yusuf Aydin u mathlone ma marciyotho di cito Suryoyto Ortodoksoyto laqin Mawlud Çawuşöğlu u mathlono dı Turkiya bu Nato

SODERTALJE, Swed – Mawlud Çawuşöğlu u mathlono dı Turkiya bu Nato, bi socurutho dsımle lu Swed, laqi mathlone ma marciyotho di cito Suryoyto Ortodoksoyto camu qoyumo Suryoyo bu parlamento du Swed Yusıf Aydin wu sniğro İlhan Aydin. Bi ytawtathe, driş eba a’qetre u şuwole dkıtle u camo Suryoyo bi fnitho dı Turcabdin u drişo ste i aykanoyutho du camaydan d’Suriya.

Bu knuşyano dsim bi cito d’Mor Yacqub Dansibin bi mditho d’Södertalje bu Swed, a’mathlone da marciyotho di cito Suryoyto, baynothaye u rişono di marcitho du Swed ud’İskandinavia Aydin Zatte Çalma, u qoyumo bu parlamento du Swed Yusıf Aydin wu sniğro İlhan Aydin, drışlın i lohitho da qetre u şuwole da qıryawotho du camo Suryoyo bi fnitho dı Turcabdin dıdrişowa bi socurutho dsımwolın a’mathlone da tarte marciyotho l’Turkiya bi harayto di şato da 2024. 

Mbayn da qetrani, kito u şuwolo da mulkone du qadastro wi benyono tahtoyo da qıryawotho Suryoye u ğer sebwotho. Bebzabno, bi ytawtathe drişo camu mşalo dı Turkiya i sbutho du camaydan d’Suriya. U mşalo Mawlud Çawuşöğlu bi ytawtathe dhadırla ste mathlone d’şutose Suryoye mawdacle dgımcaqbi i sbutho da Mşihoye d’Suriya me qariwo xıd dkımcaqbi i aykanoyutho du camo Suryoyo dkıtyo b’Turkiya.