U renyo d’Mısır cal Libya m’ayıd mğer athrawotho emwothoyeste

Mısır, mqadamle renyo d’plan hatho leşan Libya. U renyanoste mqadım, bu zabno du haylo du rabhaylawotho saqıbloyo Khalifa Haftar bıdele dmadcıf.

 Bu insiativano u folitiqoyo dmahıt ışme; u Deklarasion d’Qahira, kmıtlıb şalyuthzayno b’Libya. Amerika u athrawotho Caraboye frişeste mawdaclın u snodathe lu renyano d’Mısır.

I şultonutho Libyoyto dıkmısnodo mu kenşo Emwothoyo ume Turkiya sımla athmıl şuşote rabe mqabıl da hayle du rabhaylawotho saqıbloyo Khalifa Haftar dıkmısnıd me Mısır, Rusya uma İmarat Caraboye Mhayde.

İ şultonutho d’Fayez al-Sarraj dıkmısnodo me Turkiya uma marhıbone noqufayda, jbırwolın athmıl a hayle d’Haftar dmıgroşi me dukotho d’Sıırt. Cala şuşotani d’Libya, hawile u rişqutno d’Mısır Abdel Fattah al Sisi ytawto camu rabhaylawotho Khalifa Haftar uba droşe dhawın, mqadamle al Sisi renyo l’plan hatho dmahıt ışme; u Deklarasion d’Qahira.

 U insiyativano d’Mısır dkıtyo terkiwo d’şalyuthzayno ramhıl 8 bu yarhano, mayıd me Haftarste. Bu plan kitoste dcoro lu maşıqlo folitiqoyo, tuyobo d’droşe b’Geneve, guboye di rişonutho d’Libya, dmitaqimi a milişyat u dmitawfıqi a hayle nuxroye kulle mu athro.

Bu zabno d’Amerika wan athrawotho hadome bu Huyodo Caraboyo mayadlın u renyano d’Mısır, elo i şultonutho du rişwazire al Sarraj u Turkiya, rfıdlın u plan u huwlın şudoyo dgımdawmi u ağonathe mqabıl da hayle d’Haftar.