27/05/2020

U Rişathro du Sin gıdmazıd ahıdriyateyde lu qrobo mzayno

U athro du Sin gıdmazıd ahıdriyatayde lu qrobo mzayno, bu maşıqlano ducdo du kriz d’Corona dkımathır cali mşaynutho umthoyto du Sin.

 İ dawsathe du sin knıflo bu taro di qalayda dcam Amerika cali rişonutho dıbritho.

 U rişathro du Sin Şi Jin Ping, bu mamlo dsımle athmıl mawdacle du athrayde gıdmazıd ahıdriyatayde du qrobo mzayno, u gıdfolıh laşan dımşawşıt amkonayde bnişo dsoyım u mede dıkmıtlıb mene bu haqlo folhoyo. Jin Ping mawdacleste da hıdriyatani gıdmisomi bu taro du tathir rabo dıtrele u kewo du virus d’Corona cali mşaynutho umthoyto du Sin.

Jin Ping bu mamlo dsımle la haylawotho folhoye u la puwelıs bi ytawto şatonoyto du parlamento, mawdacle da tedbire dmıdle u Sin mqabıl du virus d’Corona mathbatlın i kaşirutho da şuhlofe dsımla Pekin bu haqlo folhoyo, u mırle “klozım ahaylawotho folhoye dımqafın darbone hathe da duroşe bu maşıqlano ducdo d’Corona”.