06/06/2021

U rişizgado d’Turkiya dkıtyo b’Stockholm sımle socurutho li marcitho di cito Suryoyto Orthodoksoyto du Swed

U rişizgado d’Turkiya dkıtyo b’Stockholm, sımle socurutho li marcitho di cito Suryoyto Orthodoksoyto du Swed dkıtyo bi rişonutho du metrofolito Mor Diyasqoros Benyamen Ataş.

Bi ytawtathe, kıtwo u mşalo da esore baroye Suleyman Kurt wu rişono di marcitho Yılmaz Bısse wu mşalo di cito d’Mor Afrem Rubel Xalaf.

Bi socuruthathe dsımwole u rişizgado d’Turkiya Hakkı Emre Yunt cami barthzawgeyde, bi qamayto karıxi cito d’Mor Afrem dkıtyo u mqomo di hasyutho, wu bıthır drışlın a esore beyn Turkiya udu cameydan u Suryoyo.

Bi mawdconutho dmıdlan mu mşalo da esore baroye Suleyman Kurt mırle; U rişizgado mawdacle dkubci dımbasmi a esorathe camu camo Suryoyo, u mawxa’ste abici dsaymi i socuruthathe li marcitho di citaydan bu Swed.

Suleyman Kurt mırle; Ahna’ste mqadamlan ilo thnihutheydan bi sbutho du dayroyo d’Mor Yahkub d’Qarne-dayroyo Aho Bilecen. Ubu funoyo dhule u rişizgado mawdacle di sbuthathe gıdsufyo bıthır mıd maslıqlo lu bethdino celoyo. Bıthır mi ytawto dhawyo, macrelın camhıdode u drışlın aydarbo kibın dmicadli a esore beyn camaydan camu Turkiya.

A mşale di cito wu rişizgado Turkoyo’ste  m’akadlın dımdawmi a esorathe. Bi ytawtathe camgabe du metrofolito Mor Diyosqoros Benaymen Ataş, hadırwo u rişono di marcitho Yılmaz Bısse, u mşalo da esore baroye Suleyman Kurt wu mşalo di cito d’Mor Afrem Rubel Xalaf cama yaqrothathe.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…