U rişono catiqo d’Uruguay José Mujica -awkith u gerilla “Pepe”- nqil ma haye b’cımro d’89 eşne

Rişono, hfito, mşalo dıkmahwe u darbo u rişono du gerilla d’Uruguay dbıthır mnaqewo’ste rişqutno du athro-José Mujica-Pepe, kthuwle ışme bu makthabzabno xıd ma rişone faqire dbritho. Bu zabno dkıtwe Pepe rişqutno, rfıdwole d’yotıw bu qusro di rişqutnutho u coyaşwo b’bayto b’qritho qarıwto li arişkoyto.

U rişqutno Pepe, qolacwo radoyto nacımto u catıqto wu ağrayde kule’ste, folağwole beyn du camo dkıtwe faqiro. Pepe b’cımro d’89 eşne, nqil athmıl ma haye bıthır eşne yarixo d’ağono mqabıl du kewo du sartono dkıtwole bqdole. U rişqutno d’ucdo Yamandu Orsi mawdacle u haşayde calu şunoyo d’Pepe.

Mujica meqım dhowe rişqutno d’Uruguay beyn da eşne 2010-2015, u rişono du gerilla semoloyo d’Tupamaros’we u fayışwo 13 eşne bu hbuşyo beyn da 70 uda 80’yat ubu zabno dsımwo maqıblonutho acme mırwole; Hbışallan lhudayna u leşan dcayşina, jbirina dmıftakrina leşan dımdawmina dcayşina me hatho.