U rişono d’Amerika Joe Biden, sımle socurutho dlıkmıntoro’wa u laqi u bar’amnayde Volobymyr Zelenskij b’Kiev
U rişono d’Amerika Joe Biden, sımle socurutho dlıkmıntoro’wa li arişkoyto d’Ukraina Kiev u laqi u bar’amnayde Volobymyr Zelenskij. Bu zabno du droşo dhawi beyn Biden u Zelenskij, u rişono Amerikoyo mwacadle paketa hreto d’500 milyone dolare d’mcadronutho l’Ukraina.
KIEV – İ socuruthathe du rişono Joe Biden l’Ukraina, simo b’ğnizutho rabtho u tahte duyoqo casyo. Bu zabno di socuruthathe dsimo bu zabno dımkamele u qrobano d’Ukraina şato, hawile Biden mamlo camu rişqutno Zelenskij.
Biden mawdacle u snodo wi awyuthayde l’Ukraina wa 2 rişone-b’duyoqo casyo karixi ışmo i arikoyto u hzelın a husrone dhawın. Bebzabno Biden mawdacle dımbayanle 500 milyone dolare hrene xıd mcadronutho l’Ukraina, dıkmişaklo me zayne, darare, soruhe uğer.
Bu mamlayde Biden mırle; İ demoqratoyutho gıdcayşo, Amerika acmox’yo wu britho kula acmox’yo. Kiev mıdla falqo me d’lebi. Bıthır mi ytawtathe, şafıc Biden li arişkoyto d’Polonia leşan ytawto camu bar’amnayde u cam rişone d’9 athrawotho hrene hadome bu NATO.
Amerika markawola meqım şato nuqazto folhoyto b’Polonya ubi socuruththe i trayonitho dıksoyım Biden lu athro, gıdsoyım mamlo cal aydarbo Amerika mşaçacla britho d’sundo u camo Ukrainoyo. Bu mamlayde’ste Biden gıdmbahıs calu xayal dkıtwole Putin bu qrobano d’Ukraina dgıfolığ Urifi. U mamlo d’Biden, sim’ste kmo şoce bıthır mu mamlo dsımle u rişono Rusoyo Putin li umtho.