U rişono du Huyodo Suryoyo Tibeloyo b’Lebnon İbrahim Murad tre hiro mu mqimdino gawonoyo

BEYRUT – İ notarrozutho du tboco froso du gabo du Huyodo Suryoyo Tibeloyo d’USUP, bu  buyono dıfrısla mawdacla du gabo gdımdawım u ağunayde bnişo dmitarku b’Lebnon athro di kinutho udu qonuno udi hirutho la Lebnonoye kulle, athro dıkmisım u sutorayde mu gayso Lebnonoyo uma haylawotho di mşaynutho ruşmoye, athro dkibe bethdino şaryo dlıkmi’athır ma krize folitiqoye, athro dlıkmıhkım m’grube mzayne dıkmıştacın bu qadar du camo.

U buyono d’USUP mırle “i kinutho zaxyo athmıl bıthır mıdhadır u rişono d’USUP İbrahim Murad dkıtyo bebzabno u notarrozo gawonoyo du Gbino Mşihoyo li wazirutho di kinutho lu ferco qentrunoyo da gunhe, u tamo M urad tre hiro bu amro dhule u mqimdino gawonoyo dayono Ğassan Cwedat bıthır mdımthabıt da vidyowiye dıfrisiwo ba dafe kenşoye du nawlo mzawrewın ulatwın şarire”.

USUP bu buyonayde, mqadamle tawdiyotho lu dayono Cwedat dmafıtle la haye u qonuno wi kinutho bi sbutho du rişono İbrahim Murad d’abıcwo hın dmahwanwole dkıtyo mqabıl di mşaynutho gawoyto d’Lebnon. USUP mqadamle ste a’tawdiyothayde li mdabronutho, la rabayhaylwotho ula folhe di dayira da gunhe dımqadamlın b’iqoro rabo lu rişono Murad bu maşıqlo da buqore, ubebzabno mqadım ste bu buyono tawdiyotho la gabe u farsufe, la rişınwotho folitiqoye, ruhonoye, kenşoye udu tboco froso ulkul farsufo b’Lebnon u larwal du athro dmahwele snodo u awyutho camu rişono d’USUP İbrahim Murad.