16/02/2021

U rişono d’USUP İbrahim Murad bi maqırhonutho dhule mawdacle du Madınho Mescoyo azoloyo laf şuhlofe şerşoye

U gabo du Huyodo Suryoyo Tibeloyo-USUP, mzaharle cali aykanoyutho d’Lebnon dıkmathılo ucdo i halıqto mhilto dkulle, me bayn di şişaltho da şuhlofe dgıdhowın bu Madınho Mescoyo.

 U rişono d’USUP İbrahim Murad bi maqırhonutho dhule lu tboco froso, mawdacle da gabe folitiqoye dkıtne mqabıl di tarmitho İranoyto bu Madınho Mescoyo, lo makşarlın dmahwın klayto mhayato mqabıl du gbino du İran u d’Al Asad.

 U rişono du gabo du Huyodo Suryoyo Tibeloyo İbrahim Murad, bi maqırhonutho dhule, mawdacle du Madınho Mescoyo azoloyo laf şuhlofe şerşoye, u beynothaye u athro d’Lebnon kımathıl i halıqto mhilto dkulle bıgawe di şişaltho da şuhlofani, u hatheste mi celtho du haylo dıkhokım Lebnonyo dmahıtle amkone du athro udu camo leşan i mşablonutho du gbino du İran d’al Asad.

Murad mırle;U haylo hakomo kobe aftho l’Hizballa dmadır a şutose rişoye d’Lebnon, bu zabno dıkmahwe u kenşo Emwothoyo i cajazayde mi rafyutho da gabe saqıbloye dılo qadiri dımşatsi gbino athronoyo mqabıl du İran  b’Lebnon, u dtulbi b’haylo mu kenşo Emwothoyo dşofıc li harake ud’moyıd i sbutho d’Lebnon li ido. Belhude a gabe dıksundi i federaliye u hın rişone folitiqoye’ne dıktulbi mu kenşo Emwothoyo dımdaxıl, u dmafiti la haye a fusqone Emwothoye dilonoyith u fusqono dan 1559.

Bebzabno, Murad mawdacle dbelhude fatıryarxo Mor Bşara Bıtrıs Alraci walawste mşawhıro, mhalaqle dawse u mazcaqle dmitayıb lumodo Emwothoyo cal Lebnon, u hathe’ste mcal fothe di siyase di nxilutho, du gnowo, du fasad udi rafyutho dıkmitaşe bu athro. Bu huthomo, u rişono d’USUP İbrahim Murad sımle sturyo a gabe saqıbloye d’Lebnon dlıkmotın l’awyutho camıhdode, u mırle; Kmahwe u texliso d’Lebnon me feme du wahış, klozamle tedmırto.