U rişwazire d’Australia frisle egartho tahinyotho lu camaydan

Bi egarthathe dfrısle u rişwazire d’Australia Scott Morrison bi cohnutho di şato hathto Bıbloyto d’Akitu komır; Fsihoyo’no dımşadarno tahınyotho hamime lani kulle dlayimi b’Australia leşan dımcaydi u cadcido d’Ha Nison. Bi şato hathto, kışufcina mu dacbar l’dactith hatho leşan dfuhmina ruhayna u dımtaybina tahrazyotho lu zabno dothe.

Scott Morrison mırle; Xıd camo Othuroyo b’Australia, kımcayditu u kıfulğitu yortutho di haymonutho udi mardutho. Ğalabe menayxu athitu l’Australia cal d’jbiritu dmahzımitu mu cnufyo umi frişutho. Mıstaqbılitu bi hubo, bu tolerans ubi mawdyonutho mu athrano-dkıtyo u athro rişoyo d’britho, dkibe haqa mardwotho frişe.

Morrison mırle; Xıd athro fsihoye’na cali çasara, calu enerji dmahwalxu lu bnoyo d’haye hathe-b’athro hatho u kımhanenalxu cali masiruthathxu la timoyo di hirutho udu kenşo. B’Australia u gawonoyith b’britho, şafıcina şato hreto casqo du pandemi u leşan ğalabe Othuroye-zabno d’haşo u lhiqutho’we wa yaqrotho fliği zabno yarixo me hıdode u mvayaclan ğalabe bnaymothoye.

Bu huthomo u rişwazire mırle; Elo ucdo athi u zabno, dmaqwena u haylaydan u dımhalxina lafu dactith-b’çasara b’haymonutho ubı hzayto msimonitho. Kımhaneno u camathxu calu mede dsımxun u dıkmdawmitu dsaymitu leşan i mşaynutho dkulayna, dımcadrina u dımşaşcina li towutho hıdode. Camhıdode kiban dhayrina laf qıdam u l’şato tawtır u kıtolabno dhudnitu i ruho di şato hathto xıd bruktho du şlomo udu şuşoto ba hayaythxun.