U rişwazire du Cıraq al Sudani u rişqutno di Turkiya Erdoğan, mdelın cal şişaltho d’maqırhonwotho leşan u teqwiyo di methcadronutho u d’qyome hathe beyn da tre athrawotho

ANKARA – U rişwazire Cıraqoyo al Sudan wu rişqutno Turkoyo Erdoğan ba droşe dhawilın athmıl bu qusro di rişqutnutho dkıtyo b’Ankara, matın l’awyutho dmaqwın i methcadronutho dbeynothaye ubu tarano’ste, mdelın a 2 rişone mınyono d’maqırhonwotho bnişo dqudri dmaqwın a esorathe b’haqle frişe.

Beyn da haqlani dımte l’awyutho u lu teqwiyo di methcadronutho kito i sbutho du endustri du sutoro, u nqolo da galwoye Cıraqoye dkıtne b’Turkiya u dkubci ducri bu sebyonathe lu athro, dmitahwe ağono mqabıl di tagorutho lo qonunoyto da gelone mtanwone, dmitarkıw fırce da botaysawbo d’Turkiya bu Cıraq, u teqwiyo da fulhone di mcadronutho msarhabtho wi methcadronutho beyn da wazirwotho di gawoyutho da 2 athrawotho wu ağono mşawtıfo mqabıl di marhıbonutho. 

Bu knuşyo dsim lu tbocofroso’ste u rişqutno Erdoğan mawdacle, d’Turkiya gıdmdawmo dmaqwıyo a esore wi methcadronuthayda camu Cıraq-dilonoyith, bıthır mıd a esore beyn da 2 athrawotho mşawşıti u qawın bıthır mi socurutho dsımwole l’Boğdod ba 2024. Erdoğan kali cali tagorutho dbeyn dan athrawothathe dşafico a 18 milyare dolare bi şato dşafıcina u mawdacle dkıtyo hadiro, dmaqwe a esore’ste bu haqlo du kahrobo camu Cıraq.