U rişwazire du Ciraq Alsudani mawdacle dgıdmıgrış u zayno ma grube mşahılfe lfuth u qonuno yaste bu darbo du diyalog

BOĞDOD – U rişwazire du Ciraq Muhammad Şiyac Alsudani, bi maqıblonutho dsımla acme i sferyawmo d’Alşarq Alawsat, mawdacle du zayno mbarbızo bu Ciraq lıkkowe fayış dhowe larwal du taro da haylawotho di mşaynutho dımşatsi lfuth u qonuno.

Alsudani dmathkarle dımşarelın dsaymi hethotho bu haqlo di mşaynutho ud’şorın u qetro du zayno dkıtyo falito bidothıd da grube mşahılfe, mırle ste “huli fusqono dmişatıs sictho bi rişonuthaydi, laşan dsaymo hethotho u turoso b’gawıd da şutose di mşaynutho. Hdo ma sebwotho asasi du turosano, dmisım u duyoqo dcalu zayno ma şutose di mşaynutho awkith lıfayış kowe dhowe zayno larwal du taro qonunoyo da şutose di mşaynutho”.

U rişwazire du Ciraq mawdacle ste du zayno dkıtyo bidothıd da grube mşahılfe gudmıgrış menaye b’tre darbone, ya bu darbo qonunoyo awkith dmitahıt ido calu zayno u yaste bu darbo du diyalog.

Mxasra hreto, u waziro di baroyutho d’Amerika Fuad Husayn cam taşdarto mi şultonutho, mabdele adyawmo socurutho lu athro d’Amerika, laşan dıdorış cami mdabronutho d’Waşington u timo du dinoro Ciraqoyo dnafıl ğalabe mqabıl du dolar Amerikoyo.

Bi socuruthathe ste, i taşdarto d’Husayn gıdırşo cama mşale Amerikoye aydarbo kibe dmısnodo i siyase momunoyto du Ciraq, udhowe esore di methcadronutho bayn da bankat da tre athrawotho.