U şutoso dışme; ’Tarmitho du Syomo du Şlomo, bi methcadronutho du şutoso da Mşihoye du Madınho b’Almanya, mtayable hfitutho du iftar bi mdito d’Munchen d’Almanya

MUNCHEN, Almanya – Lfuth i mawdconutho dmatilan mu şutoso da Mşihoye du Madınho b’Almanya-ZOCD, mtayabwo ba yawmotho dşafıcina hfitutho du iftar me Project Peacemaker-awkith mu şutoso d’Tarmitho du Syomo du Şlomo bi mdito d’München. Simon Jacob mqadamle i tahrasto du ramshano ax mathlono da şutose “Project Peacemaker” u ZOCD.

Li hfituthathe dsimo bi methcadronutho d’ZOCD umu akademi Yudoyo d’Urifi-EJKA, hadırla mşawtıfo me farsufe me tawdyotho mşahlfotho. Mawdıc du nişo di hfituthathe du iftar dhani eşne kmitaybo b’München, dhuwyo remzo di awyutho, du renyo hiro uda haye mshawtıfe beyn da mardwotho u tawdyotho di mdito’yo. I hfitutho mşarela bu mamlo du mşalo mqabıl du Anti-Semitisms di şultonutho d’Bayern Dr. Ludwich Şpinle u mırle; U kenşo klozım dmacle qole mqabıl kull şıkıl  d´tuhmonoyutho.

Karl Staub dkityo mşalo di mlahmonutho di fnitho kali cali ulsoyutho dhawxa ramşe li demoqratoyutho ulu kenşo. Nihat Demir dkitwe ha ma mtaybone du ramşano, makadle d´kityo diloyutho en tawdyotho mşahlfe kılutmi u mqarwi l´hdode. İmam Dr. Maher Khedr mahkele cali mıcna du sawmo u bıthır mi sluthayde, a mtaybe axilın hşomitho camhdode. I diloyutho du ramşano u droşo dsim cam kothubo u gelyunoro Michel Friedman, malfono Maşlmonitho Gökcen Tamar-Uzun u Nihat Demir.

Ba mamlathe kalın cal a şutose u farsufe dkitne tuhmonoye dkubci saymi fligutho bıgawe du kenşo u bebzabno, hawi mamlo cal u dawro di medya bu kenşo d´adyawma. Beyn da hadire kıtwo’ste u rişono du şutoso da Mşihoye du Madnho ZOCD, Ferit Tekbas, u folitiqoro du camaydan Tuma Celik u ger mathlone d´shutose u tukose. I hfitutho mşalatla bahro cali ulsyutho da timoyotho di hirutho udi demoqratoyutho u fayito b´muzogo basimo.