21/09/2021

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın ma hadome du mawtbo di cito Suryoyto Orthodoksoyto di mdito d’Qamışli, leşan a yuthrone d’ruhaye u d’ğer hayle kowın terpılto qum du tewlifo du şbilo Suryoyo ba madraşyotho dilonoye du camaydan dkıtne b’Qamışli.

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle du leşono Suryoyo ithbat di hiyoyutho makthabzabnoyto du camaydanyo dkıtyo more di yortutho, leşono u mardutho. Mawxa’ste u nfoqo du moro lu leşono Suryoyo wu tewlifayde wolitho asasi du camaydan kule yo dilonoyith bu maşıqlo casqano ducdo dıkşofıc ebe u camaydan b’Suriya. U şutoso d’Olaf Taw bu buyonayde mawdacle dmıdle i wolithathe calruhe, wu ucdo’ste lfuth a şbile doronoye dımtaybile kımdawım u şutoso d’Olaf Taw ba fulhone du tewlifo udu şuşoto du leşono Suryoyo, u hathe’ste lfuth i sniqutho dkito ucdo dmitaqwe u leşono Suryoyo xıd leşono asasi ba madraşyotho, udhowe ruşmoyo b’Suriya.

Bebzabno, Olaf Taw mawdacle dhuwe xıd şutoso kımdarış u kımtayıb grub d’malfone dkibın dsındi u maşıqlo du yulfono lfuth a’şbile du leşono Suryoyo u mırle; U şutosaydan bi şatathe hawile esore cama madraşyotho dlonoye u mşahılfe du camaydan u Suryoyo Othuroyo Kaldoyo bi fnitho di Gozarto, bnişo dmitafıt la haye u tewlifo du leşono Suryoyo bu darbo da kthowe du şbilo Suryoyo udi musiqi. Callathe, a’malfone u malfınyothaydan mşarelın mu şuroyo du maşıqlo yulfonoyo di şatathe dmahırgi u şbilo Suryoyo bhın ma madraşyotho dilonoye di cito Suryoyto Ortodoksoyto udi cito d’Madınho d’Othuroye, lfuth u qyomo dkıtwo baynothayna heş mi şato da 2018”.

U şutoso d’Olaf Taw mawdacle dcıl mu qyomo dhawiwo, elo hın ma hadome du mawtbo di cito Suryoyto Ortodoksoyto d’Qamışli mdawamlın bi şatathe ste drıfdi dmitahrıg u şbilo Suryoyo ba madraşyotho du camaydan, u hathe ste lfuth nişe u fuqdone dhın hayle dlıkıbci yuthrono towo lo li cito uloste lu camaydan, mawxaste Ola Taw khoze d’athi u zabno dmıftıh u darbo b’qamuthıd da n’abne di umtho dkımqadmi b’şarirutho la sebwotho du camaydan, udıkfılhi laşan dmithabti a’zedqayde wa talabayde.

Olaf Taw bu huthomo du buyonayde, makadle dkıtyo b’fusqono kamilo dfolıh hul dmitafıt u qyomo da 2018 la haye, udşıfci a’malfonaydan wa şbile Suryoye la madraşyotho dilonoye du camaydan b’Qamışli.Camgabıdathe, a’haylawotho Suryoye di mşaynutho du Sutoro msıklın adyawma farsufo dkıtyo hadomo bu mawtbo di cito Suryoyto b’Qamışli, bnişo dmisım acme buqore, cal dıkmıthım dkıtyo ha ma farsufe dkowın terpılto qum da fulhone du tewlifo du şbilo Suryoyo ba madraşyotho dilonoye du camaydan.

Check Also

U gayso Athronoyo d’Suriya dıkmısnıd me Turkiya msıkle bu yarho d’İlul d’şafıcina hol 52 farsufe

U tukoso da zedqe noşoye leşan i şrorutho wi kinutho da Suriye, frısle taşroro calu mınyon…