U Şutoso du hulmono mawdacle u virus di Corona ba athrawotho d’Urifi mşarele ışmo dkole i surceyde

Bıthır mu nfoqo du kewo du virus di Corona u şutoso du hulmono tibeloyo kforıs mawdconwotho u zuhore la şoltonwotho laşan dmaydi tadbire mqabıl du kewano.

Athmıl naqa hreto frıswole zuhoro da athrawotho dmaydi tadbire qşeytır laşan dmitakılyo i surca du froso du wirusano elo adyoma mawdacle d’ba athrawotho d’Urifi mşarele ışmo dıkulyo i surceyde.

Bi sbutho du kewano di Corona heş kito mawdconwotho dı latne idice, elo ha mede idicoyo kmibarbıs bı britho dlo kloyo.

Bi sbuthathe u şutoso du hulmono emwothoyo athmıl mzaharwole aşıltonwotho dıbritho d’maydi tadbire qşeytır laşan dımakılın u berbozeyde awste i surca du bırbozo dkito.

Me athmıl l’adyoma hawi şuhlofo bu falqo d’Urifi lfuth u şutoso d’WHO ba athrawotho d’Urifi u kewo manqasle i surca du berbozeyde u hathe dawse tawtoyo laşan u hulmono di noşutho.

Me gabo hreno u Senato d’Amerika mıdl fusqono dımcayın 2 trılyone dollare laşan du snodo da noşe wi aykanoyutho du kewano.

U mede dıkmazıc u kewano dıtofe la athrawotho d’Afrika u ğeyr dkito kafno bınne mın gıdhowe i aykanoyutho di noşutho.

Bi sbutho du kewano dımşarele dımıfrıs bıbritho u cameydanste mıdle u nasibeyde mene, ba tebe dıfrıslan ba yawmotho dı şaficina mawdacwolan d’farsufe ma abne du cameydan bu Swed u b’Fransa nqili ma hayani mu kewano di Corona.