U Swed u Qufrus komadıcıri a galwoye lo ruşmoye la n’athrawothaththe

SWED / QUFRUS – I şultonutho du Swed mawdacla athmıl, dhula 9 malyune u 200 alfo Euro li mtakasto di galwoyutho d’Emwotho Mhaydotho, laşan dmitadcıri a’galwoye mu Swed umu Huyodo d’Urifi, udmitanqıs u menyono da galwoye lo ruşmoye dkothın ma n’athrawotho du Ciraq, u Somal, Ozapakistan u Tunıs. 

Lfuth u buyono dıfrısla i şultonutho du Swed, i mcadronuthathe dhiwo l’Emwotho Mhaydotho gıdmitıstacımlo b’şıkıl dilonoyo, laşan dmitazıd u menyono da dacore mu Swed umu Huyodo d’Urifi, ulaşan dmınfıq mqabıl di golutho dlatyo ruşmoyto. 

U buyono mathkarle ste dfalqo ma zuzani gıdmitıstacmıl laşan du teqwiyo da şartat du dcoro l’Suriya, udmınfıq mqabıl di tagorutho da bnaynoşo b’Ukraina. 

M’gabo hreno, u tahlufo du waziro di galwoyutho d’Qufrus Nikolas Yuwanides mawdacle d’Suriya mıstaqbela 60 farsufe dımsiki bu yamo Heworo bu zabno dımnasewolın dşıfci la n’arcotho d’Qufrus lfuth u qyomo dkito bayn da tre athrawotho. 

Yuwanides mawdacle ste d’tarte sfinotho di hawa dkıtwo ebaye barmothoye Suriya madcıri ba yawme haroyani lu athro d’Suriya, lfuth qyomo dımde bayn di şultonutho d’Qufrus u Darımsuq.