28/04/2021

U tukoso da zedqe da Ezidoye tlıble me Biden dmıctarıf bu qtolğenso d’Dacış dsımwole cala Ezidoye u cala Mşihoye

‘İ mawdyonutho d’Biden bu qtolğenso dan Armınoye, kıtla ulsoyutho makthabzabnoyto ba melani kmiqadım u tukoso da zedqe da Ezidoye, a tahınyothayde lu rişono Amerikoyo.

Bi maqırhonuthathe dıfrısle u tukoso komır; Bi cohnutho di mawdyonutho bu qtolğenso dan Armınoye, kısayminaste qroyto lu rişono Amerikoyo dmawde ba qtolğense hrene kule; beynothaye u qtolğenso dsımwole Dacış cala Ezidoye u cala Mşihoye ba 2014.

Bi maqırhonuthathe du tukoso d’Yazda-dmıdyo me 10 tukose frişe da zedqe da Ezidoye, kımqadmi a tahınyothathe lu rişono Amerikoyo Joseph Biden cal dmawdele 24 bu yarhano bu qtolğenso dan Armınoye-bıthır mıd i kongre dmawdela ebe. A tukose Ezidoye kımawdıci, di mawdyonuthathe kıtla ulsoyutho rabtho u makthabzabnoyto.

Bi maqırhonuthathe Yazda komır; Bi cohnutho di mawdyonuthathe, kısaymina qroyto du rişono Amerikoyo dmawde ba qtolğense kulle dsimi uda dıbhani’ste, kışowın l’iqoro u neshono. İ şrorutho du qtolğenso dan Armınoye layba dmitankıro, elo camathe’ste laybe dmitankır u qtolğenso dsımwole u tukoso marhıbono d’Dacış cala Ezidoye, Suryoye Othuroye ucala qalilotho hrene ba 2014.

Yazda bşıkıl rwiho mahkele calu zabno du kboşo d’Dacış cal Mawsal, i daşto d’Ninve u Şigor wu qtolğenso dsımle bıthır cala qalilotho etnikoye u tawdithoye uda camani, heş hol adyawma kıloqın b’gzome, cnufyo wu rdufye u hatta kminase dmıqşoci ma dukothathe a makthabzabnoye.

Yazda kımawdıc, d’walaw Dacış matım bu Cıraq ba 2017, elo heş kımşakıl qento rabo bu athro ba hçome barbroye dıksoyım. U sutoro wi mşaynutho du athro heş b’qento rabo’ne mcal fothe da hçome dıksaymi Turkiya cala qıryawotho da Suryoye Othuroye u Ezidoye u mcal fothe da hçomani, lıkmıqdır dmıbnoyi a dukothathe leşan a came dqudri ducri la botathe bıthır mi golutho rabtho dhawyo mcal fothe da marhıbone.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…