11/06/2021

U tukoso d’Amnesty frısle taşroro cala hawbe di noşutho dsımle u Sin

U tukoso Emwothoyo du Şbuqyo-Amnesty, frısla taşroro cala hawbe dsımle u Sin mqabıl di noşutho.

 Lfuth a buhone dsimi magle, cala rdufye dsimi cala qalilotho bi maşritho d’Xinjiang u mawdıc, dmafiti b’teşniqe qaşye u maşığ mehaye.

A thome mqabıl du Sin udu qedomayde la zedqe noşoye kımdawmi dmaydi duktho bu tbocofroso Emwothoyo wu ucdo’ste u tukoso d’Amnesty İnternational frısle taşroro cala buhone dsimi me 50 mabuce frişe dıkmahkın cala hawbe noşoye di mdabronutho d’Bejing du Sin.

Amnesty mawdacla dıkmisım rdufye sistematik cala Maşılmone u qalilotho hrene dkıtne b’Xinjiang. A hawbe dıkmisomi cala qalilothani kubci bu taro da hawbe mqabıl di noşutho. Bi maşritho dkito bi marcithathe, u camo kmitafıt b’teşniqe qaşye u kmitaşığ mehe.

İ malılto d’Amnesty bu Swed Maja Åberg mırla; A farsufe kulle dhawilan mamlo acmaye, mafiti b’şıkıl d’teşniqe-hın menaye’ste kmınqoli ma haye ma teşniqani. Ğalabe farsufe mvayci u noşo lıkodıc hayko’ne  uğer’ste kmıtcoyi ba hbuşe u noşo lıkmşayıl aclaye. Calathe kımfaşqina da camlani hawbe mqabıl di noşutho’ne.

Bu taşrorano mawdıcste, ba mo alfayo d’Maşılmone uğer qalilotho-gabre u neşe mahti ba hbuşye uğer’ste kmitahqıbi yawmoyith. A qalilothani kmıjbori dtorın mi tawdithathe, mi marduthathe umu leşonathe ubi maşrithathe, hatta mahıt mnoco d’noşo dmıjğıl camu hreno. Awkith bu qedomano du Sin, kubco da qalilotho d’yulfi dukthaye bıgawe du kenşo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…