20/04/2021

U tukoso d’Gelyunore dılo Thume frısle u taşrorayde di şato cali aykanoyutho da gelyunore

U tukoso d’Gelyunore dılo Thume, frısle u taşrorayde di şato cali aykanoyutho da gelyunore d’180 athrawotho frişe dı britho.

Bu taşrorano dıkmawdıc, d’zıttır me 130 athrawotho maklelın a fulhonathe du tboco froso, u bebzabno mahto Turkiya bu darğo da 153 di lohitho da 180 athrawotho dıkmınci u renyo hiro du tbocofroso.

U Tukoso d’Gelyunore dlo Thume kul şato kforıs taşroro cala qetre u casqotho dıkloqın a gelyunore wa falohe du tbocofroso bu zabno dkıtne bi wolitho. Bu taşrorano griş u zuhoro cali hirutho du tbocofroso b’180 athrawotho

U Tukoso d’Gelyunore dlo Thume, mawdacleste d’Turkiya kuthyo bi sira da 153 dcal dıkmınco i hirutho da gelyunore uda falohe du tbocofroso du athro.

Lfuth u taşrorano b’75 athrawotho, a şultonwotho maklelın kulonoyith a fulhone du tbocofroso. Wu b’59 athrawotho’ste, a şultonwotho maqşelın u hboso cala falohe du tbocofroso.

Beyn dan athrawotho dkito ebaye hirutho du tbocofroso, kothe u athro du Swed Norweç, Danmarka, Finland, Costarika u ğer. Naqla hreto mahwele d’Turkiya dlatla iqoro la fulhone du tbocofroso u bebzabno i şultonutho ksuxro qum du renyo hiro udu tboco froso.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…