U waqıf di dayro d’Mor Gabriel frısle buyono cali sbutho da mulkone di dayro
U waqıf di dayro d’Mor Gabriel bi maqırhonutho dıfrısle, mawdacle du bethdino d’Turkiya hule fusqono, da dayre u citotho gıdmitahwın lu waqıf di dayro d’Mor Gabriel.
İ sbuthathe nafiqowa li holo, bıthır mıd u waqıf d’Mor Malke dımşataswo tlıbwole dhın ma dayre, citotho u mulkone dkıtne bu turo d’İzlo u d’Nsibin dhowın lu waqfayde.
Bu buyono dıfrısle u waqıf di dayro d’Mor Gabriel mawdacle du bethdino celoyo d’Turkiya hkımle da citotho u da dayre dkito bu turo d’İzlo u d’Nsibin, gıdhowın kıthiwe calu waqıf di dayro d’Mor Gabriel ulo calu waqıf d’Mor Malke.
Lfuth u qonuno catiqo dkito b’Turkiya u waqıf di dayro d’Mor Gabriel dkıtyo mqaydo mi şato da 1926 xıd waqıf du camo, mawxa a mulkonani i şultonutho mahıtwola ido aclaye ucdo gıdmitadcri lu waqıf di dayro d’Mor Gabriel.
Bu buyonano dıfrısle u waqıf di dayro d’Mor Gabriel kmahke bırwihutho, du maşıqlo du fulhono dhawi, a mulkonani gıdmitadcri lu waqıf du camo Suryoyo, u bu huthomo komır; U bethdino rfıdle i dacwa dımqadamwole u waqıf d’Mor Malke dımdacewole da mulkonani dmiqaydi bu waqfayde.
Be bzabno u waqıf d’Mor Gabriel kımqadım tawdiyotho lkul man dhawile snodo bu fulhono dmimodi a mulkonani ma şutose di şıltonutho d’Turkiya u dmadıcri lu waqıf d’Mor Gabriel.