U waziro di baroyutho d’Amerkia Marco Rubio grışle u zuhoro calu qento dkito, l’qrobo hreno gawoyo b’Suriya

WASHINGTON – Athmıl nafıq u waziro di baroyutho d’Amerika Marco Rubio, qum di Sictho da esore baroye du Senato leşan dımfane a şwole da senatore. Bu buqorano’ste friş duktho cali aykanoyutho harayto d’Suriya u lfuth i hzayto d’Rubio, kito ihtimal rabo-d’Suriya dhuwyo belhude kmo şabe rahıqto mu cboro d’qrobo hreno bıgawe du athro, yaste dmıshofo i şultonutho zabnoyto dkito ucdo.

Rubio dlaqiwo mşale frişe d’Suriya bu zabno da socurwotho dsımwole u rişono Amerikoyo Trump lu Madınho Mescoyo meqım şabtho, mawdacle di zuctho dkıtwo li şultonutho hathto zabnoyto d’Darımsuq, i celtho rişoyto’wa d’Trump fsıqwole dmaqım a tedbire cal Suriya l’zabno d’180 yawme-bıthır mi ytawto dhawiwole cam Ahmed al Şarıc bi Scudiye.

Bi sbuthathe Rubio mırle li Sictho da esore baroye du Senato; Lfuth a qetre u casqotho dkito ucdo, i şultonutho zabnoyto d’Suriya balki howela kmo şabe aw yarhe hrene mu nfolo. Calathe u teqimo da tedbire wu dmitahwe aftho lan athrawotho şbobe dmacbıri mcadronutho l’Suriya, kibe dmıftıh qum di şultonutho dmaqwıyo ruha u dımhaydo a hayle folhoye tahte d’hdo otho.

Camathe’ste Rubio m’akadle du teqimo da tedbire cal Suriya lhudaye, latne makfıyone leşan u terkiwo di mşaynutho du athro elo i kongre Amerikoyto’ste klozım dmıştacyo dawro rabo leşan u teqimo d’Suriya cali rağlo bıthır 14 eşne d’qrobo. Rubio mırle; İ şultonutho d’Darımsuq lo fayito mu buhono dsımle FBİ calu dacbarayda. Me xasra hdo-en dmacbırinala bi dacwa-kito gado dnuçho elo kito’ste mkono dlo nuçho. Elo en hiç dlo macbırinale bu fulhono’ste, kito garanti dlo nuçho.