U waziro di gawoyutho dı Fransa Bruno Retailleau mşadarle zuhoro qaşyo mu qento du grub da n’Ahunone Maşılmone

PARIS – U waziro di gawoyutho dı Fransa Bruno Ritayo, athmıl bi maqırhonutho dhule mawdacle du athrayde klozım dımqadım lu grub da n’Ahunone Maşılmone xdu mede dıkmiqadım mqabıl di marıhbonutho udi tagorutho da gelone mtanwone, u mırle “b’qamuthıd du Fransa kito tre eltarnative: ya dlımibahıs mede mi zuctho dmitawmır aclayna İslamofobia, u yaste dsaymina i wolithaydan ud’obina funoyo la n’Ahunone Maşılmone. U teqimo di ğnizutho dkıtwo calu taşroro dıfris cala n’Ahunone Maşılmone ucali Maşılmonutho Siyasi bı Fransa dawse qadmoytoyo, elo latyo makfiyonitho”.

Ritayo mawdacle ste dıklozım i şultonutho dı Fransa dımşatso sictho qentrunoyto di mşaynutho dıkfılho bi sdirutho d’sictho di mdabronutho, laşan dmitahqıbi a’fulhone da n’Ahunone Maşılmone. 

Bebzabno, u waziro di gawoyutho dı Fransa mawdacle mbayn da şroye dkito bi ido, klozım dmiqadım kul şıkıl dıfşitutho lu maşıqlo du şroyo da knuşyotho Maşılmone dkıtne bu tathir da n’Ahunone Maşılmone bı Fransa. 

Lfuth u taşroro dıfrıswola i şultonutho dı Fransa ba yawme haroyani bi sferyawmo d’Lofigaro, an’Ahunone Maşılmone kmahti ido b’şıkıl kulonoyo aw hul darğo cal zıd m’200 qentrune tawdithoye u 280 knuşyotho b’55 qlime Franşoye. A’qentrune wa knuşyothani kfılhi bu haqlo du tewlifo di tawditho udi claymutho, uksaymi i propaganda d’mamlo faloğo dkımhadıd i mlahmonutho kenşoyto udıkmacıq a’timoyotho di qutnutho dı Fransa.