U waziro du hulmono du Iraq sımle socurutho li qastra d’Bağdede

U waziro du hulmono du Iraq doktor Hassan Mohamed Al Tamimi cam wazire u mşale hrene, sımlın socurutho li bethkrihe qentrunoyto di qastra Suryoyto Bağdede bi daşto d’Ninwe.

 U qaymaqam d’Bağdede Cisam Behman, mıstaqbele i taşdarto camu rişono di bethkrihe d’Bağdede Doktor Ala Salem Almerk.

I taşdarto da wazire u da mşale di şultonutho Iraqoyto cama mşale di daşto d’Ninwe sımlın athmıl socurutho li mditho d’Bağdede u mıdlın mawdconutho cali bethkrihe rabtho di qastra bu zabno d’karixila.

I taşdartathe mıstaqblo mu qaymaqam Cisam Behnam wu rişono di bethkrihe  Doktor Ala Salem Almerk u karixi i bethkrihe camhıdode wu mıdlın mawdconutho cali aykanoyutheyda.

Bu mamlo u droşe dhawilin u waziro du hulmono mşayele mın klozamlın bu zabnano du kewo d’Corona leşan dmıstaqbıli a kayiwe kulle di fnitho. Bu mamlo dsımle u waziro du hulmono m’wasafle a şuşote dkowın bi bethkrihe dkıtyo i bethkrihe rabtho di fnithathe.

Bi taşdarto da wazire kıtwo u waziro du hulmono Doktor Hassan Muhamad Al Tamimi, u waziro da mabuce udu industri Manhal Aziz al Kahabaz, wu waziro di tagorutho Alaa Ahmad al Jabouri,  mşale mu parlamento du Iraq, u hın ma mşale di hiğmonutho d’Ninwe.