U waziro du sutoro d’Amerika, sımle socurutho dlıkmıntıro lu Iraq. 

BOGHDOD – U ajans d’Reuters mawdacle; du waziro du sutoro d’Amerika Lloyd Austen mabdele adyawma socurutho dlıkmıntırowa lu athro du Iraq. Austin bi maqırhonutho dı frısle mırle; “Nahtina b’Boğdod. Ahna athina leşan dımakdina me hatho i şawtofutho stratejikoyto dkito beyn d’Amerika wu Iraq bu zabno dıkımhalqina dawsat leşan dmotina l’Iraq dkıtyo zıttır mşayno, şalyo u kıtle morutho kamılto.”   

 Austin bi socuruthathe mawdacle la Iraqoye, d’Amerika b’fusqono kamiloyo dfayşo u dımdawmo i şkihuthayda bu athro, lo belhude bu haylo folhoyo, elo bi yasifutho rabtho dkıtla, dhowela şawtofutho stratejikoyto cami şultonutho du Iraq.   

Lfuth u Pentagon, i socurutho d’Austin lu Iraq egarthoyo lan athrawotho du Madınho Mescoyo, d’Amerika walaw şğuştoyo ucdo b’Rusya ubu Sin, elo naqla hreto lo tacyo u Madınho Mescoyo u gıdımdawmo dfayşo bu qlimo.   

Kito ucdo hedor 2500 folhe Amerikoye bu Iraq ubu qlimo d’Kurdistan, leşan dobın droşe la hayle Iraqoye uli Peşmarga. U leşan di wolithathe Amerika mbayanla milyar u 600 mılyune dolare. Bebzabno Amerika mbayanla 2 milyare u 200 mılyune dolare, lu şuşoto di aykanoyutho noşoyto bu Iraq ubu qlimo d’Kurdistan.