U waziro du sutoro du Iraq sımle socurutho li arişkoyto d’Mısır Qahira

U waziro du sutoro du Iraq, sımle socurutho li arişkoyto d’Mısır Qahira leşan ytawto camu rişqutno Abdul Fattah al Sisi.

Bi ytawtathe dhawyo beyn al Sisi udu waziro Iraqoyo Jumma Enad Sacdoon, kle cali methcadronutho beyn da tre athrawotho bu haqlo folhoyo.

Athmıl matiwo u waziro du sutoro du Iraq Jumma Enad Sacdoon l’Qahira u mıstaqbıl bu qusro mi rişqutnutho d’Mısır, me Abdul Fattah al Sisi. İ sbutho rişoyto du yawmoyo di ytawtathe’ste, i methcadronutho folhoyto beyn da 2 athrawotho’wa

Lfuth i rişqutnutho d’Mısır, bu zabno du knuşyano a tre mşale mşalatlın bahro cali tahrazto mşawtafto da droşe folhoye beyn da haylawothathe u aydarbo gıdqudri dımşahlıfi renye, yulfono, nesyune u hzayotho beyn hıdode.

U waziro Iraqoyo, maslamle i egartho du rişwazire Mustafa al Kadhımi lu rişqutno Mısroyo-dımqadamle eba tahınyotho li mdabronutho d’Qahira calu snodayda l’Boğdod. Al Sisi’ste mfanele, dkıtne kull naqla hadire dımşawşıti a esore stratejikoye wi methcadronuthathe camu Iraq bhaqle frişe.

Taşdarto me Mısır, sımwola bu şuroyo du yarho d’şafıcina socurutho l’Boğdod leşan i methcadronutho dbeyn da 2 athrawotho bu haqlo du momuno, di tagorutho, di zarocutho uğer. Boğdod mtayabwola’ste bu yarho d’Hziron knuşyo mşawtıfo cam Mısır u Yurdnon, leşan u şuşoto d’tarmıyotho frişe beyn da 3 athrawotho.