U Yaban komqafe şroyo lu qetro du plastık dıkmihalıq bu yamo

YABAN — Beyn 77 uhol 199 milyone tonat d’plastik, kmihalıq bu yamo u camathe’ste, hol 11 milyone tonat d’plastik kmihalıq kull şato bu yamo wu mınyono u lıkmahwe du plastikan gıdnoqıs elo kımahwe heş gıdcole. Lfuth Emwotho Mhaydotho, holi şato da 2014, kmıntır du mınyonano dhowe 3 qatat celoyo.

Hathe kuthyo li mıcne, dbeyn 23-37 milyone tonat d’plastik gıdmihalıq ba yawme d’britho kull şato. U plastikano, kımşakıl qento baroyo rabo bu yamo ula haywotho mşahılfotho dkito ebe. Kito 2 alfo şıkılat d’haywotho dıkmi’athri mrimono mu şuhlofano dkowe bu eko system.

Leşan dmıkle qum du tehriwo da haye dkito ba yame, ğrob d’yadıcthone mu Yaban kıfulhi bşıkıl hfito bnişo dımqafın şroyo lu qetrano. Mawdıc da yadıcthone snıclın plastik dilonoyo dıkmahrıw u plastik hreno dıkmihalıq bu yamo. Bu cudrono da maye maluhe dkito bu yamo, kibe u plastik sunci, dmahrıw u hreno.

U mşalo dcalu ğrobano da yadıcthone Takuzo Aida mırle; En dqudrina bu noquso dımşahlıfina beyn 20-25 ba mo du materialano du plastik bano dsnıclan ucdo, kmıtyaqanno gıdmotina rahuqo bu ağono dıkmitahwe mqadıl du semomo da yamaydan. Ucdo hano şuroyo’yo, klozım dımşawşıtina u metodano dmanfıc zıttır.